حاجه غريبه حصلتلىالنهارده
زى كل يوم كنت راكب الماصله الخنيقه اللى بركبها كل يوم للذهاب الى مشوار غير مهم
فجأه واحد قال للسواق سرع يااسطى شويه
رد السواق انا حر يا عم
قال الراجل لا يا سيدى انت مش حر هوه مين فيناعايش حر\
وكأن الكلمه زى الطلقة نتطت فى دماغى..............و كأنه قاللى اللى على راسه بطحة
دورت الكلمه فى دماغى و لقيت ان الراجل فعلا عنده حق
هوه مين فينا عايش حر
وبدأت بعند و كبرياء اسال نفسى و ارد عليها
هوانا كنت حر لما جيت الدنيا ديه؟
لا طبعا يا متخلفانت جيت زى كل الناس ما بتيجى
هو انت كنت حر لما اخترت دراسه الطب؟
لو كنت حر ما كنتش دفنت نفسى بالحياه طوال 7 سنين
هوه انت كنت حر لما حتى اخترت حبيبتك؟
لا برده ديه كانت صدفه جمعتنا و الحاجات المتشابهه بنا هيا اللى جمعتنا وبعد كده انفض المولد وكل واحد راح لحاله
وغيرها وغيرها من الاسئله التى كانت لها نفس الاجابه .........انت مش حر انت اسيرالصدف
ولانى عنيد و احمق ومحبش حاجه مالهاش اجابه
فكرت انى ممكن اكون حر لو اخترت امى انتحر و انهى حياتى بايدى
ولقيت انى برده لو عملت كده هبقى مش حر لان الظروف هيه اللى هتخلينى اعمل كده
و هنا تأكدت ان حتى الحقيقه الوحيدة فى الدنيا انا مش حر فى اختيارهاوانى حتى لو مشيت بدماغى و عملت اللى انا عايزه انا اللى هنضر فى الاخر يعنى انا مش حرفقررت ان ارفع شعار لا للحريه و اقضيها و خلاص
13 comments:
لا يا شيكو انا موش معاك خالص
مفيش معني للحياة او التكليف لاالهي للبشر بدون حرية اختيار...ما معني ان اكون مسيرا بجهاز تحكم عن بعد ثم تقول لي ان هناك صواب وعقاب وجنة ونار.....الاختيار موجود
ونفس وما سواها فألهمها فجورها وتقواها
صدق الله العظيم
النفس بطبيعتها فيها الخير والشر والله لا يجبر اح علي شيء ...الاختيار لنا....الارادة الحرة
اترك الاحداث الجسام مثل الموت والولادة والحوادث والمصائب فهي رسائل ذات حكمة الهية...الا تشعر في حياتك العادية بأنك حر الاختيار ولكنك رغم ذلك تختار الشيء السيء ثم نرجع ونتهم الظروف والناس والبتنجان
عايز تعرف عن الاختيار والجبر ....عايز تعرف عن القدرية؟؟؟
اقرا يا شيكو اكتر ...في تراثنا الاسلامي نوقشت تلك القضايا كثيراً علي يد المعتزلة والجهمية و الاشعريون ابن رشد وغيرهم وايضاً ناقشها الغرب في فلسفتهم المعاصرة
تحياتي يا اسكندرانس يا كبير
اخوك ايمن
سارة
كيف هي حقيقة؟؟ وكيف تكون مؤلمة؟؟
لسنا احرار ....هذا مؤلم
لسنا مخيرين....هذا مؤلم
من اخبرك بأن تلك حقيقة وان افعالنا مكتوبة في كتاب مسطور منذ الازل؟؟
ما الفرق بين القضاء والقدر؟؟
ما معني الحمد لله؟؟
امامنا شوطاً كبيراً كي نخرج من دائرة عادات وتقاليدغرزت فينا وحسبنا انها حقائق بدون تقصي
مودتي
و هذه هي الحياه البغيضه التي جئنا اليها دون ارادتنا لنتعذب و نقمع و نري القليل جدا من اهوالها ثم نرحل عنها ايضا دون ارادتنا ... دي الحقيقه اللي كل الناس تتداري منها او تنكرها لكنها بتفرض نفسها بقوه دائما
انتوك
لا اله الا الله!!! سودت الدنيا خلاص؟
مرغم عليك يا صبح مغصوب يا ليل
لا دخلتها برجليا ولا كان لي ميل
شايلنّي شيل دخلت انا في الحياة
وبكرة ح اخرج منها شايلنّي شيل
السؤال الجدلي الفلسفي القديم
هل انا مسير ام مخير ؟؟
سبحان الله علينا نحن البشر
ممكن كلمه واحده تقلب تفكيرنا
وممكن محاضرات طول السنه لا تحرك فينا شعره
ايوه انت مش جاي الدنيا حر ويوم ما تمشي منها برضه مش هتمشي بمزاجك بس الحجات اللي هتعملها انت اللي حر فيها ومش دايما الظروف هيا اللي بتفرض نفسها علينا مممكن نكون احنا اللي بنتلكك بس اللي اعرفه ان اللي عايز يعمل حاجة هيعملها
العزيزه ساره
الحقيقه دى مش غايبه عنى بس يمكن انا اللى كنت بتناساها و طبعا الحمد لله على كل شىء
ايمن
انا مش بقول ان مافبش ثواب و عقاب انا بقول ان الحريه مش موجوده حتى و انا بعمل اللى فى دماغى لان انا بشوف اوضاع زفت و مصايب لما بعمل اللى شايفينه الناس غلط
انتوك
يمكن مش كل الناس بتحس بكده لان مش كله بيتعذب المسأله نسبيه بس اكيد ان كل واحد بيمر عليه لحظه بيحس فيها انه متلجم
still breathing
انا مش مسود الدنيا و لا حاجه بس ده احساس داخلى مالوش اى علاقه بتصرفاتنا الحياتيه
دنيتى على فكره الرباعيه دى عزيزه عليا جدا لانى بدات بيها عرض مسرحيه اسمها موت اكلينيكى و حاولت ان ابدأها بصوت صلاح جاهين نفسه
نوران
ايوه انا ممكن اكون حر فى الحاجات اللى انا بعملها بس مش الحريه المطلقه بدليل انى لو اخترت غلط انا بشوف انى بتحصل مصايب
layal
عندف حق بس المشكله ان الموضوع ده موضوع حياه مش دش محاضرات
مينفعش ترفع الشعار لان فيه حاجات كتير بتحس انك حر لما بتعملها وفيه حاجات برده احنا مجبارين على اننا نعملها
فكرتني بحاجة كنت ناسيها من زمان
There are no answers in life . Only choices.
Post a Comment