فى قلبى ساكن غنوتى
بغنى اه فى غربتى
تسال يا قلبى فين صحبتى
ترجع تقول لحظه فراق
و كنت فاكر وقتها
هعيش اكيد من بعدها
دلوقتى تحلم تعود لها
تحلم بيوم فرحه لقاه
****
ده الحلم كان صوته صداه
كأنه طير رافض سماه
لو يوم يموت عشق الحياه
فى صوتى ناى حابس غناه
بحلم حبيبى ترجع تعود
جوانا باقيه لينا الوعود
لو يوم هتنسى الذكريات
تعيش اسير لحظه فراق
30 comments:
شريف ..حلوة اوى اوى بجد
مش عارفه ليه و انا بقراها متخيله ان محمد الحجار بصوته بيغنيها فعلا مش عارفه ليه كنت بلحنها و بقراها بصوته..يمكن علشان بقالى كام يوم شغاله تترات مسلسلاات قديمه ولا حاجه
بس بجد فعلا روعة القصيدة
ازيك يا شريف اسفه انك دعتنى لقرايه البوست اللى فات وعلى ما فوقت جيت لقيت بوست جديد
بس اشدعذوبه
وارق بصوت ناى حزين
آة من الذكريات وما تفعله بالقلوب
بس ارجع واقول ياما لسه هنحب ويا ما لسه هندوب
بس خليك مصمم انك ترجع كل ماضى منك مسلوب
متستسلمش لوجع الفراق وحزن البعد المغصوب
هيا الحياه واحده يا تدافع عن حبك يا ادام عنيك يموت مصلوب
............
اجمل واصدق اشياء بقراها وبحسها لما تحس من بين السطور تجارب او مواقف وزكريات صادقه تسمع صوت الانين من بين الحروف
وتشوف الوجع بيرقص بجنون على السطور
تحياتى ليك يا اسكندرانى
لعل موج البحر واقتراب الشتاء يغسل كل الزكريات المؤلمه
اتمنى لك كل السعاده والمزيد من الاراده
الذكريات
الفراق
الوداع
لا ينسي
تحياتي
هي هي نفس الدايرة و حنفضل كلنا يا بني البشر نلف جواها
دايرة الندم علي ما فات من فرص و لحظات جميلة و صحبة مفقودة و حبيب في طي النسيان و و و و و و
و الحلم بان يعود ما كان حتي و لو للحظة
لكن لا هذا و لا ذاك بيتحقق
مفيش غير اننا نحلم ببكرة اجمل و احسن
نحلم نخلق اللي ضاع مننا امبارح في بستان بكرة
و مش بس نحلم
نحاول تحقيق الحلم ده
ما تندمش ع اللي فات
حاول تلاقيه في اللي جاي
بوست حلو اوي يا شيكو
بس معلش لو حزعلك
ملقيتكش فيه
حاولت ادور بين السطور علي حاجة فيه منك
ملقيتش
يعني وجهات نظر
تحياااااااااااااتي
بجد روعة جددا القصيدة وبها احساس جميل اوى
تحياتى
وكل عام وانت بخير
ما اوجع الفراق يا صاحبى
احساسك جميل يا شريف
والله خسارة فى الحزن يا جدع
ربنا يسعدك
احييك من قلبى
ازيك يا شريف
كل سنه وانت طيب ورمضان كريم
البوست هايل بجد كله معانى حلو بس ليه الحزن دا ولا انت عندك اكتئاب زى ولا ايه بس انازعلانه منك علشان مش قلتلى انك نزلت بوست جديد ولا مش عايز تعليقى على العموم انا رخمه وهعلق برده
كأنه طير رافض سماه
لو يوم يموت عشق الحياه
فى صوتى ناى حابس غناه
بحلم حبيبى ترجع تعود
جوانا باقيه لينا الوعود
لو يوم هتنسى الذكريات
تعيش اسير لحظه فراق
عديت الحته دى فيها كام معنى جميله اوى يا شريف انحنى وارفع القبعه ويسلم قلمك وافكارك
اه ياني من الفراق ورايا ورايا
اصعب واوحش واقسي احساس
ربنا مايفرق حد عن انسان عزيز عليه
بوست مؤثر وكله احساس وشجن
سلامي ليك
manora
بصى كتير قوى لما الواحد بيقرا حاجه بتيجى فى باله بلحن او نغم معين هو حاببها فيه و على فكره اسمه على الحجار يا باشا
هههههه
و كمان عايز اقولك حاجه انا فعلا بحب جدا تترات المسلسلات القديمه بالذات
تحياتى
همس الليل
يمكن كتيلر قوى بتعدى على الواحد لحظات بيسترجع فيها لحظات فى حياته بيكون محتاها فى وقتها ده و كتير جدا بتجيله لحظه الندم عليها لانها مش معاه مع انه محتاجها
بس فى اللحظه ديه كان فيه حاجات كتير قوى مش بس الحبيبه الغائبه و لكن كل الاشياء من الصحبه الى الفرحه الى كل ذكرى كانت و لم تعد
و لم اجد سوى الناى الحزين
تحياتى
نهر الحب
انجزتى فاوجزتى فاصبتى
على فكره انا اول مره اعرف ان انتى من صيدله
على كده بقى احنا طلعنا كمان جيران
كم سعدت بتعليقك
كل سنه و انتى طيبه
تحياتى
فينو
انا معاكى انها فعلا دايره بس كل واحد بيبصلها من ناحيته هو يعنى اللى ممكن يوجعك غير اللى ممكن يوجع غيرك و الذكرى بالنسبه لكل فرد هى نسبيه الى حد بعيد
اما بالنسبه الى الحاجه اللى فيا هنا انا مختلف معاكى لانى مش ممكن اعبر عن حاجه و انا بجد مش لامسانى
تحياتى يا باشا
ملاك
اشكرك جدا على مجانلتك الرقيقه ديه و يمكن انتى حسيتيها فحسيتى باللى انا عايز اوصفه تحياتى و كل سنه و انتى طيبه
مريم
ربنا يخليكى يا باشا
و شكرا على المجامله الحلوه ديه
و والله الموضوع مش حزن و لا حاجه قد ما هو اشتياق لكل حاجه ممكن كانت فى وقت عدى و انا مفتقدها دلوقتى تحياتى
سندريلا
اولا انا بعتذر عن الدعوه بس و الله هى جت بظروفها و انا كده ازعل انك تقولى انى مش عايزك تعلقى و انتى عارفه انى ببقى مستنى تعليقك جدا ده انتى دايما بتنورينى
اشكرك جدا على احساسك الحلو ده و يا رب دايما تنورينى كده
تحياتى و كل سنه و انتى طيبه
توتا
مش عارف و الله اشكرك ازاى انا كل اللى اقدر اقوله نرتينى مع كلمه شكر للمجامله الرقيقه ديه تحياتى ليكى و كل سنه و انتى طيبه
كل سنه وانت طيب ياشريف رمضان كريم عليك وعلي كل اهلك واحبابك بتمنالك كل الخير
سلامي ليك
كل سنه و انتوا كلكوا طيبين و منورنى كده على طول يا رب
على فكره انا ببعت دعوه لكل الناس لزياره مدونه فنان السياله
ده صاحبى جدا و فنان بجد
بس لسه فاتح البلوج بتاعه
تحياتى لكل الناس
بعد السلام
رمضان كريم
بس ايه دة ... جميل قوى
ولونى مش بحب الفراق
بس يظهر انه هو كمان سنة الحياة
ساعات الفراق يبقى بأدنا و ساعات كتير لأ
بس لو الفراق بقى نصيب .. يبقى لازم نأخد نصيبنا
على فكرة
جملة
كأنه طير رافض سماه
دى رواعه قوى
تشبيه ملوش حل
يسلم عقلك اللى فكر و قلبك اللى حس و ايدك اللى كتبت
تحياتى
تمر حنة
سورى سورى جدا على التاخير ...الغرامة ادفعت خلاص وانا داخلة :]
بس مش عارفة ليه انا حاسة انى تايهة اليومين دول..ومش بعمل حاجة فى اى حاجة و عايشة فى اللاشىء...ف بيلز ماتزعلش ان كنت بتاخر فى ردودى عليك
ايه بس حالة الاكتئاب دى ..على العموم مش هقدر اقولك ماتزعلش نفسك وبتاع عشان المفروض اقول الكلام ده لنفسى قبل منك
مفيش غير الكلام والكتابة اللى يقدروا يخففوا عن اى حد مضايق و مكبوت
سورى انت كنت كئيبة انا كمان :(
تحياتى
تمر حنه
الله اكرم
كل سنه و انتى طيبه
على فكرخ انا كمان بكره الفراق جدا و انما على فكرخ بتكلم هنا على لسان انى رافض اننا نستسلم لاى لحظه فراق لانه فى النهايه احنا اللى بتعيش اسرين للحظه ديه
يعنى احنا اللى بنظلم روحنا مش اى حد تانى
تحياتى و كل سنه و انتى طيبه مره تانيه
نرمين
انا حاسس بكده برده يعنى حاسس انك بقالك فتره كده مش مجمعه و مش بتكتبى كتير بس نصيحه منى ما تستسلميش للحاله ديه علشان ما تتملكش منك لانك لو سيبتنى نفسك ليها مش هتعرفى تتطلعى بسهوله
على فركه انا مش زعلان قوى كده انا بس بفتكر ذكريات حلوه كانت يعنى مجرد حاله شجن
عايز اسمه بقى ان انتى طلعتى من الحاله ديه ى اسرع وقت
تحياتى
كل سنه و انتى طيبه
شريف
البوست الجديد بتاعى نزل
عايزه تعليقك طبعا
على فكره انا مش زعلانه ولا حاجه انا بس بهزر ولو مش كده ما كنتش علقت ولا حاجه
شيكو
ايه الحلاوة دي
بس سيبك ما فيش حاجة تستاهل كل ده
اللي ينساك انساه
وما يستاهلش تفتكر حتي لحظة الفراق
واديني في الخارجة
بعد السلام
و
بعد رمضان كريم
فينك
انا نزلت حاجة كدة
ابقى شوفها لوكنت متابع
تحياتى تمر حنة
كيمو باشا
ايه يا عم انت عارف هى حكايه مود بس
و شكرا يا باشا على الزياره و سلملى على ادريانو
هههههههههه
سلام يا نجم
تمر حنه
كل سنه و انتى طيبه و بالصحه و السلامه
اكيد انشاء الله هزورك
تحياتى
ازيك يا شريف
طبعا انا متاخره عليك كالعاده بس والله غصب عني جدا
البوست انا هتكلم عليه من ناحيتين
من الناحيه الحرفيه
فلا غبار عليك وانا دايما بتعحجبني كتاباتك جدا وبستمتع وانا بقراها
الناحيه الحسيه هيا الي انا معترضه عليها
انا مش منعاك ان الانساان يقضي بقيت عمره بيحلم بحلم ومش هيتحقق ابدا
صدقني اي حاجه بتكون عالقه في دمغنا بتكون سلاح ليه حدين
منها انها ممكن تعلمنا عشان نقعش في اخطائنا بعدك دا
ومنها انها بسيب اثر لجرح كل شويه بنفتحه وندوس عليه ونستمتع بالالم الي بنسببه لروحنا
خدها كلمه مني
مفيش حد ابدا يستاهل انك تعيش علي ما تبقي لك من زكرياته
ابدا صدقني متستاهلش ان الانسان يحبس نفسه داخل صندوقه ويعاود من حين لاخر اجترار الاحداث والمشاعر
صدقني الي جاي اكيد احسن
كل عام وانت بالف خير يا شريف وبجد اسفه عشان متاخره اوي
تحياتي ليك
gohayna
اولا شكرا جدا على الزياره المتاخره بس جت فى وقتها علشان انا لسه كنت هكتب بوست جديد
ما علينا بجد اشكرك على المجامله الحلوه ديه يا دكتوره جيهان
بصى انا معاكى ان اى ذكرى احنا بنشيلها جاوانا بيكون نتيجتها فعلا جرح عرضه انه يتفتح كل شويه
بس اللى انا كتبه مش جرح جوايا او حاجه هو مجرد مود حنين لايام حلوه كانت يمكن اكون مستنى اللى جاى احسن منها
و مش عايز انها تفضل ذكرى دائمه فى الحياه بدليل ان انا اللى بقول ان لو نسينا الذكريات هتفضل عايشه بجرح
تحياتى
و كل سنه و انتى طيبه
حلوة قوي يا شريف وفيها طلعات في الجزء الخير موجعة قوي
تسلم ايدك
معلش جاي متاخر الامتحانات لسه خلصانة
سلام يا صديقي
Post a Comment