واحد خلاص أندفن خلصت خلاص الرحلة
ومولود جاي زاير الكل بيه في لخمة
طب ايه مصيرك يا ابن آدم هي ناقصة زاحمة
رد بصرخة من جوفه .......أنا لسه حته لحمة
**********
كل يوم يعدي حاول تفكر كتير
يا تري اللي كان ده كان ولاكان لازم تغيير
ولو هتكون الخطوة معاك-يا تري هتخطي بضمير
لو كنت أنت صاحب القصر ......أحسبها لو كنت أنت الغفير
*********
طول عمري بحلم أعيش طير
أرفرف بشوقه عالاغصان
كان كل حلمي أكون رحالة
يطوف بشوقه عالبلدان
وفي رحلة العمر حكمة
يا ريتك تموت أنسانِ
صدقني - صعب قوي تعيش الغربة
............حالة في كل مكان
*************
5 comments:
كان كل حلمي أكون رحالة
يطوف بشوقه عالبلدان
جميل للغايه هذا الشعور
واصعب ما في الغربه ان تعيشها بوسط اهلك ودارك
دمت سالمن
تحياتي
ساعات بندور علي غربه المكان علشان نهرب من غربتنا في وسط حبايبنا
:(
كلامك حلو اوي يا شريف
قلبت علينا احلامنا
:)
layal
هسعدنى جدا تعليقك على فكرة البيت دة بالذات هو فعلا حلم عمرى
.......بس؟؟؟؟؟
مش كل اللى بيتمناة الانسان ممكن يحققة
sarah
اشكرك جدا على تعليقك
و اتمنى فعلا ان تكونى صديقة دائمة
تحياتى
mrmr
i m really happy u r back
وحشتنا من زمان تعليقاتك الحلوة دية
على فكرة اصعب احساس فعلا هو احساس الغربة لما تكون وسط الحبايب
thank u soo much
hope to see u usually
خرج ابن آدم من العدم قلت : ياه
رجع ابن آدم للعدم قلت : ياه
تراب بيحيا ... وحي بيصير تراب
الأصل هو الموت و الا الحياه ؟
عجبي
antika
Post a Comment