مملكه من القطط و الفران و الصراصير
و الحدق يفهم
القط الاعظم مالك الخرابه
كيف اجد هذه الكره فى مملكتى و انت تعلم اننى امرت بمنع لعب الكره فى كافه جنبات الخرابه
الحارس
اقسم بذيل مولاى انى منعت لعب الكره فى كافه جنبات الخرابه
القط الاعظم
اذن هى محاوله لاغتيالى اذن
استدعى لى الوزير القط الاسود حالا
الحارس
امر مولاى
القط الاسودياتى فى نظرات مبعثره
القط الاعظم
افيريدى هناك محاوله لقتلى انت تعلم انى منعت لعب الكره فى الخرابه و مع ذلك وجدت تلك الكره فى مملكتى
استدعى الجيش حالا يا افيريدى
افيريدى
و لكن يا مولاى انت تعلم ان الجيش كله على الحدود فالكلاب البول دوج تحيط بنا من كل مكان
ثم كيف استدعى الجيش من اجل كره انا ارى ان الكره ليست امر مهم
القط الاعظم
حسنا يا افيريدى انت تعلم اننى مصاب بفوبيا الكره حيث اننى عندما كنت قطا عاديا يجوب الخرابات بحثا عن طعام فى الليالى القاتمه وجدت وليمتى فى احد الخرابات المجاوره و لكنى عندما هممت بالتهامها اتى فتى من الصبيه الذين كانوا يلعبون الكره و شاط الكره بكل قوته فقطعت ذيلى و قد كان هذا الذيل مشمشى اللون يتمناه اى قط من ابناء جيلى
افيريدى يقاطع
اتقصد ان مولاى الط الاعظم................ازعر
القط الاعظم
نعم يا افيريدى و هذه هى الحقيقه التى لا يعلمها احد
و هذا ما هو اللى ذيل مزيف
افيريدى
و لكن يا مولاى طالما انه لا يعرف احد بالمر فليس هناك مشكله
القط الاعظم
لا افيريدى هناك من رانى انه الفار زعيم المعارضه
و الان ارى تلك الكره فى خرابتى
اذن هى محاوله اغتيال
افيريدى حسنا يا مولاى سوف امر باحضار الفار زعيم المعارضه حالا
الفار
مضت ايام كثيره و تغيرت اشياء اخرى
القط الاعظم
انا الان مولاك و انت تحاول اغتيالى
الفار
لا يا مولاى انا اعرضك اه
اختلف معاكى اه لكن اقتلك ديه مش سياستى
القط الاعظم
و لكن حديثك مع افراد الخرابه عن الديموقراطيه و حقوق المعايشه وغيرها من الميول يثير لى صداعا و لهذا فقد امرنا نحن حاكم المزبله بقطع ذيلك الذى تتباها بيه و بعده قطع رقبتك
افيريدى نفز الحكم
افيريدى امر مولاى القط الاعظم
الفار
حرام انا مظلوم
افيريدى
اسمع يا فار انا عندى ليك صفقه العمر دلقوتى هيجى مندوب الدوله الصرصوريه و يعرض عليك صفقه
الصرصار
اسمع يا فار انت محكوم عليك بطع ديلك و رقبتك
و انا ممكن اهربك بره البلد
بس على شرط تضمن ولاء الفران لينا
الفار
نعم انتوا حشرات
الصرصار
كده هتهمك بمعاده الساميه و هيتنفذ فيك الحكم
و انا عندى اقتراح تانى
ممكن يكوت و لاءك لكلاب البول دوج حلفاءنا
الفار برده لا
الصرصار
يبقى هننفذ الحكم
الفار
بس لو قبلت احنا هنحميك و نهربك و نخليك تقود المعارضه من الخارج
الفاريعنى يا اما صفقه خيانه يا اما اموت
الصرصار
لانك لو رفضت برده هنتفق مع خليفتك و كده كده الصفقه هتتم
الفار يتصل بمجموعته
من النهارده ولاءكوا لعشيره الكلاب اما انا مسافر و هبقى اتصل بيكو
سلاااااام
الصرصار
ياللا يا بطل علشان نلحق نهربك و تقود المعارضه الفارانيه من الخارج
الفار يعنى اخر كلمه الحق صفه هروب او سكينه على رقبتى
اه يا بلد
اه يا بلد
اه يا بلد
20 comments:
فكره بمئة جنيه
قلت ألى فنفسك وخلاص ورزقك على الله
فعلا زمن المعارض الصادق و المساعد الوفى أنتهى
وعشان السياح لما نتقابل نكمل كلام
هتسألنى فين؟؟؟
ورى الخرابه.......
سلام يا شيكو
ااااااااااااااااه يا بلد
وجعتني يا شريف اوي
عجبني اوي الاسقاط دة
لعل وعسي الحمار يفهم
الا صحيح فين دور الحمار في المعمعة دي؟
على أد ما ضحكت على أسلوبك البسيط والمعبر
على أد ما اتبهدلت من جوايا
فعلاً أبسط حاجة هي الهروب من أوضاع البلد بدل ما نتكلم وننطق ونتحرك ونعمل حاجة بقى
خييييير
:(
نهاد
اول زيارة لمدونتك وعجبني قوي الموضوع ده والذي يحمل بين طياته الكثير من المعاني التى تعجز الالسنة في كثير من الاوقات عن الحديث عنها تحياتي لك وشكرا لتشريفك لمدونتي
فكرتك
واسقاطك دا جميل اوي
اسلوبك علي قد ما هو سهل وسلخر علي قد ما بيألم اوي
بيوجع جدا
بيصحي علي حقيقه مره للغايه
تحياتي ليك ولكتابتك والف شكر لزيارتك واتمني تنورني دايما
تحياتي
حسام باشا
الله يخليك يا باشا
الموضع مش معارضه و بس يا حسام الموضوع ان المعارضه مدبوحه
و ان كل واحد لو دورت فى ملفاته هتلاقيه فى الاصل ازعر
يعنى الليله من اولها لاخرها عباره عن كدبه كبيره على المطغطى
سلام
الى اللقاء فى الخرابه
سمراء النيل
ميرسى يا باشا على المجامله الحلوه ديه بس و الله الواحد اتخنق و يظهر ما بقاش قدامنا غير السخريه على الواقع الزفت اللى احنا عايشينه فعلا بقت خرابه و يمكن تكون مزبله عموما
الحمار اللى مش قادر يفهم اللعبه او اى حد يصدق انها مش لعبه من اول القط لغايه احقر صرصار
تحياتى
نهاد
والله الواحد مابقاش عارف يضحك و اللا يعيط من القرف الى بقينا عايشين فيه
بس انا مختلف معاكى ان الهروب مهما كان الوضع هوة الحل
لان كتير قوى هربوا كانت ايه النتيجه ان الوضع كله زى ما هو
اكيد فيه حل تانى
تحياتى
قلوب حاءره
اشكرك دا على الزياره و اتمنى انها ما تكونش الاخيره
و احب اقولك ان احنا اللى خلينا لسانا عاجز عن التعبير لدرجه انه بقى عاجز حتى عن النطق بكل الالم اللى حاسين بيه
تحياتى
في الجون يا شيكو
لا حلوة بجد
تحياتى يا بطل
ازيك ياابو اسكندر
كتابتك حلوة وفيها فكرة
طول عمرى بقول ان الاسكندرانية دماغ
طبعا انت بقيت حليفى ولا ايه
سلام
لميا
ربنا يكرمك يا لميا ما اعرفش بس و الله حسيت انى مخنوق قوى من الوضع الزفت اللى احنا عايشين فيه يعنى كفايه قرف بقى
تحياتى ليكى يا باشا
ياسمين
بطل ايه بس ده الواحد بيقول كلمتين من غلبهيا ريت يكون فيه بطل بد يقدر يغير الحال اللى عايشين فيه ده
تحياتى
مريم
ربنا يخليكى يا بنت اسكندر
انا و الله كنت حاسس ان انتى احلى دماغ برده
و بالنسبه للتحالف ده انا موافق دا
ده حتى بيقولوا انا و اخويا على ابن عمى
هههههههههههه
تحياتى ا نجمه
اخى شريف
عندى ليك سؤال
تفتكر مين فى بلدنا القط ومين الفار ومين الصرصار
حلوة بجد ياواد
دمت على خير
أااااااااةةةةةةةةةةةةة يابلد
ههههههههههههههههههههه
جميله اوى يا شريف بجد جاتلك منين الفكره دى هى دى اللعبه اللى مصر بتلعبها وفعلا لو دورت ورا كل واحد هتلاقيله مش غلطه دا بلاوى سودا بس هنقول ايه خلينا ساكتين
المهم انت ما تطلعش من بيتكوا الايام دى خالص احسن تكون متراقب ولا حاجه واللى على راسه بطحه بقى وانت عارف
سندريلا
و الله الفكره جت كده مش عارف ازاى بس حسيت اننا فعلا بقينا فى خرابه او مزبله
بكل التفاصيل اللى فيها
و بعدين يا ستى هما هيحسبونا على الكلام كمان
كده هنطق
تحياتى
7dth fe marsam fanan
بجد جميل يا شريف وعايزين كمان وكمان وربنا يوفقك ان شاء الله
Post a Comment