تليفون جالى امبارح من اسلام صاحبى
انت فين يا ابنى؟
انا فى البيت يا اسلام
طيب تعالى على القهوه دلوقتى
ليه يا عم فيه ايه
تعالى بس فى حوار كده
طيب يا عم جاى
المهم روحت و لسه داخل اتلقهوه لقيت ايمن اخويا و صاحبى قاعد
اييييييييييييييييييييييمن
حمد الله على السلامه
واحششششششششششششششنى
لقيتنى نطيت عليه
الواد كان فى الجيش و ديه اول اجازه ينزلها
اسمر بقى و حالق ميرى و ايه
بس بجد واحشنى موت يا مون
مش قادر اقول بقى الحكايات اللى حكيناها لبعض عن الفتره اللى كان فيها هناك ديه
بس اكتر حاجه فرحتنى انه لسه ايمن زى ما هو
يعنى لسه هو الواحد اللى ممكن يفهمنى حتى من غير ما اقول حاجه
حمد الله على السلامه يا صاحبى
ياللا سلام بقى علشان نازل اشوفه تانى النهارده
17 comments:
الله يسلمك و يسلمه
ربنا يديم عليكم نعمة الصداقة
كل سنة و انت طيب
ولو اني مشفتش اي حاجة من لون الخط
كل سنة وانت طيب
هابقي اقراة مرة تاني
:)
اولا هو ايمن اخوك ولا صاحبك
عشان ابقي عارفة يعني
ربنا يديم عليكم المحبة يارب
ومش يحرمكم من بعض
وابقي علي رايا ساو غير لون الخط شوية
اه نسيت اقولك انا كنت داخلة ليه
انا كنت داخلة اقولك كل سنة وانت طيب
هههههههه
sampatek
الله يسلمك
و كل سنه و انتى بالف خير
يعنى الواحد مش بيلاقى الصحوبيه بجد بالساهل اليومين دول
عشره عمر بقى
تحياتى
saso
كل سنه و انتى بخير يا جميل و يارب كده دايما منورانا
تحياتى
العزيزه سمراء النيل
كل سنه و انتى طيبه يا باشا
ايمن صاحبى الانتيخ
يعنى هيبقى اخويا و هنزل اشوفه على القهوه تبقى عيب حتى
هههههههههههه
تحياتى
صاحبي واخويا واللي فاهمني اكتر مني شيري ....أما بعد
الله يسلمك يا كبير اسكندرية وعمدتها من ابوقير لكوم الدكة وما بينهما....مش جقولك شكرا علي البوست والهجايص دي....اساسي كنت لازم تكتب عن رجوعي بوست ويكون اكبر من كده كمان :))
.........كل سنة وانت طيب يا شريف وأشوفك بالليل :))))
السلام عليكم
كل سنة و أنت طيب و حمد لله علي سلامة أيمن و يارب تكونوا مع بعض و إخوات علي طول
شكرا علي مرورك
و عندك حق إن الله لا يغير ما بقوما حتي يغيروا ما بأنفسهم
بس ساعاتها كنت فرحان قوي بالناس و بجو الأيام المباركة دي
no fear
اشكرك يا نجم على الزياره
يارب يخلى ايامنا كلها فرحه كده يا رب
تحياتى يا زملكاوى
ميه ميه
كل سنه وانت طيب
ويخليك لك أصحابك الانتيخ
sabrina
كل سنه و انتى بالف خير
و يا رب يخليلنا كل اصحابنا يا رب
لانها بقت حاجه نادره بجد
تحياتى
حمد الله على سلامته ورب ديما يفضل زى ما هو الجيش ما يغيرش حاجة جواه
حمد الله علي السلامة و كل عام وانتم بخير
سنة جديدة و عيد سعيد
حمدالله على السلامه يا ايمن وربنا يفرحك دايما يا شريف
كل سنه وانتو طيبين
amany
الله يسلمك يا رب
يا رب يسمع منك و يفضل كده على طول
كل سنه و انتى طيبه
sarah
كل سنه و انتى بالف سلامه و يا رب كده تفضلى منورانا على طول
nour
ربنا يخليكى يا نور و تكونى مبسوطه دايما يا رب
كل سنه و انتى بالف صحه و سعاده
أيمن
تصدق عرفت اقرا البوست النهاردة بس
:))
طيب انا معرفوش بس اتبسط جدا لما لقيتة رجع ..دي فايدة التدوين صحاب متعرفهمش بس صحاب
:))
Post a Comment