بعدك بغنى .............قبلك بغنى
و انا غصب عنى فى الشوق بدوب
بحلم الاقى....يوم التلاقى
حلمى اللى باقى
فاض على القلوب
لساك فاكرنا نسمه صافيه عالبيبان
والنسمه فاكره ضحكه كانت من زمان
و انا لما اشوف عيونك نايات تاخد العقول و نسرح ساعات
انسى كل شىء فى بعدك و ابات
ضمانى يالعيون
تبعد الجراح و يعود الزمان الايام
هنا فى نفس المكان اللى شاف غنانا و قال كمان
فاكرانى يالعيون
بعدك بغنى قبلك بغنى و انا غصب عنى فى الشوق بدوب
بحلم الاقى يوم التلاقى حبى اللى باقلى فاض عالقلوب
لساك فاكرنا مش ناسينا و حلمنا
كان شوق فى غنوه بلحن حب يضمنا
و انا لما اشوف عيونك نايات
تاخد العقول و نسرح ساعات
انسى كل شىء فى بعدك و ابات ضمانى يالعيون
بعدك بغنى..............قبلك بغنى
19 comments:
بجد لذيذه جدا
انا كنت قريت نور وتطبيع
حلوين جدا :)
ودي حلوه قوي
اغنية حلوه و بريئه
هي في اخرها
ضماني يالعيون
ولا بالعيون ؟
saso
than; u soo much dear
على فكره الاغنيه ديه كانت واخده مركز تانى على مستوى الجامعه ضمن الاغانى داخل العروض المسرحيه
انا بحبها جدا
لانى انا اللى كنت كاتبها و ملحنها
هى اخرها
ضمانى يالعيون
بالياء
funky
اشكرك جدا على المرور
تحياتى
فيها حاجه حلوه أوي
كل سنة وانت طيب
انت من إسكندرية ؟ اصل اسم عيلتنا واحد
الله
كدة تبقي فعلا كامله
ضماني يالعيون فعلا بالياء احلي
انت كاتب وملحن كمان
انا كدة باتخيلها متغنيه اكتر
بجد حلوة جدا
تسلم يا زعيم بجد
كل سنه وانت طيب وسورى للتاخير لانى ما فتحتش البلوج من فتره
احزن اغني
افرح اغني
حلوة قوي بجد .. واحساسك عالي فهيا جدا
خجل
الحاجه الحلوه اللى فيها ان الواحد يكون حاسسها قوى
شكرا كتير على المرور
sahar
ايوه انا من اسكندريه و الدنيا ديقه قوى
ممكن نطلع فى اخر الفيلم ولاد عم
هههههههههه
انا بهزر
شكرا على المرور
saso
انا كاتب و ملحن و بلعب مزيكا و بخرج و بمثل
يعنى سبع صنايع و البخت...........
.........ض
مفلس افندى
ايه يا راجل ساعه استناك
و الله منورنى
و كل سنه و انت بالف خير
لما فى يوم يملانى الياس لازم اغنى
اشكرك جدا جدا جدا ده بس من زوقك
رائعه جدا
احييك علي احساسك المتدفق داخل المدونه ككل
طب ما تكتب الدخلة بأة بالمرة...لا لا...انا عندي فكرة
:))
بعد السمر ميخلص انشره هنا...كله
فل...؟؟
;-)
و انا لما اشوف عيونك نايات
تاخد العقول و نسرح ساعات
هايلة ياشريف
انا بجد سرحت معاك فى دنيا تانية
انا برفعلك القبعة
اعجابا بشعرك
الورده السوداء
لا اجد الكلمات المناسبه للرد على تعليقك الجميل
اشكرك جدا
فعندما تعجز الكلمات عن الشكر يكون الصمت هو افضل جواب
محمد مفيد
انا اشكرك جدا على اهتمامك بقراءه المدونه
و كم تسعدنى تعليقاتك
تحياتى
احلى اغنيه اثرت فينا واحنا في جواله التربيه وحتى جواله تجارة
مافيش حد دخل جواله الا وخلى الاغنيه دى رمز ليه بجد بجد فرحت جدا لما لقيتها هنا ع النت احساسها عالى اوى اوى اوى
ولحنها فوق الرائع بصراحه
انا مش بجامل لانى مش مجامله لكنها عاشت في قلوبنا وسابت اثر جامد جدا
Post a Comment