elgharib....الغريب

حولوم ....سنوات و معطف يرتدينى

2009-01-20T15:12:00.000-08:00

الزمان ...........شتاء يناير 2009
امطار شتويه عنيفه جعلتنى اسير موازيا لجدران تلك البيوت التى سئمت من توغلها داخل ذاكرتى باحداث و تعاقبات زمنيه ان كنت املك الاراده لمحوتها من داخلى
اقدامى تحملنى بين الجزر المحاطه ببرك الامطار الشتويه المنهمره و كان تلك الامطار اعلنت الغضب على كل من ينتمى لتلك الانتماءات الحمقاء
ارانى اشعر ببروده طقس قاسى بينما عيناى تلمحان مجموعه من مالوفى الاوجه ما بين ذاهبين و اتين
الكل يهرول و يقذف بانفاسه بعيدا متفاديا تلك الامطار و بداخلى رغبه لان اصرخ من داخلى معلنا رفضى لتلك الهروله و بداخلى سؤال اريد طرحه عليهم جميعا
لماذا  انتم راضون
استمتعوا معى و لكنى اعلم ان شتائى غير شتائهم
اطرافى المتجمده تشعرنى حقا انى لست معهم بل اننى احيا فى مدن النور حينها ساقف امام تمثال موزارت فى فينا و انا اردتى معطفى الاسود و اطلق يداى و انا افصح لمعشوقتى عما بداخلى و هى قابضه بيداها المكسوتان بقفاز مبطن بفرو خالص حينها سيتبدل الشتاء و تتبدل الاحلام و ساشعر اننى لن احيا كالمائات
الالوف التى اصبحت مجرد حروف راسمه اسامى على الرفوف
حلم راودنى كثرا
ارى ذلك الشخص قادما فى عكس اتجهاى نعم انا ادرك ملامح ذلك الشاب الاسمر ذو الملامح المصريه الخالصه بشعره غير المهندم و ذقنه المهمله
اراه بين مجموعه من الصحبه منهم من اعلمه و منهم من لا اريد ارهاق ذهنى بتحفظ ملامحه
اراه يمد الخطا  متقدما عنهم و كانه ينفذ رغبه بداخله
يريد ان يخبرنى ........هؤلاء ليسوا صحبتى  انت لا تعلم  ماذا دهانى لارافق هؤلاء
كنت اعلم مسبقا انه انهى كليه التجاره و  و انه تزوج فى منزل عائلته المتواضعه بفتاه كانت معه ايام الدراسه
تلك القصه المعاده و التىاصبحت من تقاليد  اولئك الباهتون
حاله و ملابسه تعلن  عن وضعه الحالى و انه تخلى و رفع الرايه البيضاء امام كل ما بداخله
كان اللقاء  مجرد مجموعه من الاسئله التى يتبادلها كل من مرت عليهم فترات من عدم تلاقى الالسنه
انتهت بكلمتنا الشعبيه الرائعه
ابقى خلينا نشوفك
الاسم.......عبد الحليم و الشهره الشعبيه........حولوم
و ادار كل منا ظهره
و تبقى سؤال داخلى
لماذا كانت لغه حواره معى بتلك الكلمات المنمقه فقد لاحظت بين كلماته مفردات مصطنعه ما بين(الظروف الحاليه....الاستمرار فى اوضاع مهينه  و غيرها من المفردات الثقيله فى لغه الحوار العاديه
علمت حينها ما بداخله هو فقط يحاول ان يخطط ملامح لشخصيه يريدنى فقط ان اراها
يردينى ان ارى الصوره التى كان يتمنى ان اراها عليه
هرولت الى صومعتى كالباقين
و حينما انفردت بذاتى تذكرت معه كل ما مضى
..........................................
صيف..................1994
مجموعه من الصبيه ارانى بينهم يبدو على  ملابسى اهتمام  اولياء امورى  بمظهرى
تلك الكره بيننا تتقاذفها الاقدام لتنتهى بين  حجرين  بينهما حارس مرمى   يشعر من داخله بالاضطهاد منا لوضعه فى ذلك المكان
ثم ياتى ذلك الفتى الاسمر و يتوقف اللعب
فكل منا يريده فى فريقه فهو الفتى الماهر صاحب الاهداف الرائعه
و كعادتنا كشعب  مروج للاشاعات فقد اختلقت الكثير منها حوله
......تعرفوا ان حولوم جايله عرض من الاهلى...
تعرفوا ان حولوم هيلعب فى نادى سموحه فى الفريق الكبير
ههههههه و كله بيصدق بس ازاى و هو اصلا كله عمره وقتها 16 سنه و عادى و كله بيصدق
لا انكر حينها بوجود غيره منمقه احاول  اللا اظهرها الى احد و احيانا كثيره احاول اصطناع فرحتى  الزائده باى هدف يحرزه حولوم
و عدت ايام و سنين و علمت انه التحق بكليه التجاره و حينها  زاد اعجابى بقدراته فهو الان طالب بالجامعه   ياااه ايه الواد الجامد ده
يعنى كوره و دراسه   ايه الحلاوه ديه
ثم انقطع المشد فى مخيلتى فقد عاد ت صورته بين مجموعه المهمشين
كيف دارت تلك الايام لاراك انت من تصطنع المفردات
من تحاول الفرار من واقع افطرادى لم يكن فى حساباتك او فى ادراكى
و انت يا من تحلل كل تلك القيود و تصطنع الصمود
الى اين
الى متى ستظل اغنياتك ما بين مفردات الحلم و لعنات لكل من سيقف امام خطواتك الزائفه

تم استلام الرساله
و اياك تكون زيهم تبعد و تجرحنا ده انت الوحيد منهم  تقدر تريحنا

2009-01-09T05:02:00.000-08:00

ع الرف

www.3laelraf.blogspot.com

محاوله منا لاستيعاب ذلك المعنى فى وضع اعتدنا فيه الاهمال

فلسفه من مضمون واقع افتراضى اختلقت فيه مفردات و تراكيب غير ملاءمه انتهت بنا الى تلك الهوامش و الانفعالات

نسق و انظمه مفتعله و لكن واقعها مرتبط بانجازات بعيده عن حضارات بالت وذابت اراضيها

هى فقط تجربه حتى و ان كانت افتراضيه

دهبزه..........دهرزه ...........اخر طعطعه

2008-07-19T09:34:00.000-07:00

تمرد سكون نيران صديقه ملتهبه معايير اخذت الكثير من المجادلات بداخله

يصل الى غايته بعد ان اجبر على عزله اهانته كثير

الاهانه لم تكن فى العزله و لكن كانت فى القرار ذاته

قرار افرد مفرداته من جديد جعله يراجع ملامحه

انه يهوى حقا ذلك المكان فاتجه اليه ممر مائى متفرع يسلك الممر طريقه قاطعا مياه شاطىء ا

شايف منظر اوروبى عمارات جديده ذات طابع معمارى

مجموعه من اعمده الاناره ذات لون ازرق يطرح ظلاله على المياه الساكنه

و لكن المبدع فى الواقع هو انه يرى كل هذا من الخارج و اكنه يرى المدينه و هو فى وسط البحر

معه صديق عمره و تلك الكلمه تعنى الكثير و الكثير جدا من ملامح الحياه و الاختلال النفسى المتعاقب من تتابعات عمريه تزامنت معهم و جعلت ملامح و صفات و ابجديات مشتركه

صخرتان متجاورتان

كل منهما اتخذ وضعه على احداهم و دار ذلك الحديث
دهبزه

هو .......تعرف مش لاقى فى دماغى كلمه على صوت الميه الهاديه ديه

ايمن........عادى يا عم ممكن تبقى رقرقه

هو........يا ابنى ما انا عارف بس انا قصدى مش لاقى كلمه لمعناها جوايا انا يعنى الصوت بادائه جوايا انا

ايمن..........ايه هى الغزاله سرحت و اللا ايه

هو.........و الله يا ابنى حتى الغزاله مالهاش نفس تسرح تقريبا هى كمان جابت اخرها معايا

تعرف لو يوم لقيتها مش شارده هتبقى بالنسبالى النبؤه اللى انا مستنيها و يمكن كمان تكون النبؤه اللى انا و انت و ده و ده و ده ديه

ايمن..........رن يا ابنى للعيال خلينا نمشى الفوقان وحش

دهرزه

هو........الو.........ايه يا ماما عامله ايه وحشتينى

هى...........فعلا

هو ...........اه فعلا يا غلسه

هى ............انت فين

هو........انا على الللسان يعنى حبه كده بعيد عن الليله كلها ما تدقيش عليا فكك

انا عارف ان انا بهزى اليومين دول بس انا عايزك تعرفى حاجه فيه حاجات الواحد لما بيشوفها بتحدفه على حاجات يمكن لو قعد يفكر فيها كتير قوى مش هيعرف يفسرها او حتى يلاقى ليها مبرر ليه اصلا جت فى دماغه

هى .........مالك يا شريف

هو.............عارفه يعنى ايه دهرزه

ايه ..............ايه

هو ........دهرزه يعنى حاجه جوه حاجه علشان تطلعى الحاجه من جوه الحاجه لازم تفكك من كل حاجه

انتى بالنسبالى دهرزه و عايز افكنى من كل حاجه علشان الاقى الحاجه

هى ..........بص انا مش فاهمه حاجه بس انا حاسه باللى انت عايز تقوله و يمكن الدهرزه هى نفس الحاله اللى انا كمان فيها لانى عايزاك قوى

ايمن..........ياللا يا ابنى العيال بترن

هو ..... ياللا يا باشا

سلااااام يا قمر هكلمك بالليل

اخر طعطعه

هما اربعه و فيه حد شبح خامس كلهم عارفينه بس ولا واحد فيهم شايفه

الخامس ده هو اللى بيدى اى امر و امره واجب التنفيذ

اضحكوا لأى سبب .........كل واحد وشه فى شباكه و هايم فى ملكوته

تمام يا باشا امرك واجب ولا حد ليه دعوه بالتانى

حاله من الصمت لازم بعديها صوت

وحدووووووووووووووه

و السؤال هو السؤال

ايه هنعمل ايه بقى

و الاجابه هى الاجابه

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

ده لولا فينا صبر لهان علينا العمر

و الله يا عم مش كده بس المشكله ليطلع اللى بعد كده بجد ساعتها هتبقى حوسه

يبقى من نقره لضحضيره يا قلبى لا تحزن و ساعتها يا معلم هتبقى بيدى لا بيد عمر

مفيهاش هزار

ترررررررررررررن

ما ترد يا ابنى على الاسهال ده

فكك فكك

هى اخرها ايه يعنى

دهبزه........ و دهرزه...........و اخر طعطعه

عذرا.........النهايه ليست معى

2008-06-20T04:59:00.000-07:00

خطوات من التأرجح يثيرها غموض غير واضح الملامح

اقتراب..........احتراق

نظره خافته من وراءتلك النافذه دخان متدفق من بقعه نار فى نهايه عمود سرطانى من نوع جديد عليه

الدخان يستمر فى الصعود حتى احس انه يكسوه تماما و ذلك هو ما كان ينتظره تماما

يرى امام عينه الداخليه كثير من ابجدياته السابقه على الجدران منهاره فى سفح عميق من التأمل و الوحده

صرخات و لجام يعلن عدم رغبته فى الحديث

لم يعد هناك مجال للافتعال هو حقا يريد انا يراها كما هى حقيقه مائيه متحجره

اخطأ تقديرا عندما راى انها الاصلح للقيام بهذا الدور بل اخطأ عندما رسم بفرشاته ملامح و تفاصيل ما احسه بين السطور على ملامح فرضت الرغبه بها مطابقه السطور للقاء لم يكن مفروضا بينهما

اخطأت حينما ايقنت و لم تدرك

و اخطأت حين اقسمت و انت لا تملك الحق و لا حتى ابجديات ذلك القسم

مين فين ليه امتى و ازاى

فربما بتاعدت الخطوط و اختلطت الالوان

كل ده عادى

و لكن من العبث ان يختطف احدهم الفرشاه من ايديناو و يشكل هو ملامح تلك اللوحه و يضع اطارها النهائى

لوحاتنا المسرحيه هى التى تعطى الحق فى الاختلاق و اللافتعال بل و ربما الاشتعال

يتدفق هذا الدخان الاسود ليصل الى السنه لا نهائيه ندها تتحول تلك الاجنحه البيضاء الى ظلال غيام و اعتتام من اشباح تلك الطيور القاتمه

يتشكل هذا الغبار و تزداد تفاصيله لتنتهى فى كسوه لملامح ماردك القاسى

ذلك المارد الذى كان فى عهدك السابق هو الملجأ بين الصخور الثلجيه

بس موسى و فرعون حقيقه واقعيه

ليست اسطوره اختلاقيه نابعه من خرافات ريفيه

كانت تلك الهمسات تداعبك و تلامس هذا التوتر بداخلك

لحن مشترك داعب كل الاطراف لكنه لم يكن لحن الخلود بل كان لحن جنائزى دامع

و مازال السؤال غريبه يا غربهو اللا السؤال خيال و الغريب لو صوتى غنا الغنا ما بينتهيش

مسوده بيضاء امتلات باحبار و عناوين و اسماء و فى النهايه تدرك السطر الختامى

انت و انا ميات الوف مجرد حروف رسمه اسامى على الرفوف

و لكنى عبثت حين اردت ان ازيل ذذلك الغبار عن تلك الرفوف فالنتيجه حتميه

ازمه صدريه و التهاب جيوب انفيه

رايت الخطوات تقترباما الفرضاه ليست بايدنابل هى مع الاحداث تشكل و تحدد و احيان تضع اللون الاسود فاصلا لكل المبررات و التفاصيل

رايت انى لا احتوى تفاصيل النهايه بل املك فقط تفاصيل كل شخصيه منفرده فى ذاتها

لا استطيع ان اسفق وحدى كما كنت اسفق فى السابق

لن تكون رقصه السلم هى لحنى الاخير

اردت فقط ان القى عباءه الفارس النبيللا تلائمنى فانا لا اعتاد عليها اشعر حجمى ضئيل فى ثناياها

الفرشاه ليست معى

ترى ماذا سيرسم الاخرون؟؟؟؟؟

اللوحه للفنان اديلى بروش

كازانوفا خطيئه و لكن عذر

2008-04-05T15:06:00.000-07:00

مش هلاقيكى بقى و اللا ايه

دعابه كلاميه مزاجيه ظهرت على ملامح حاله ممتزجه من اللهفه و الغموض على لسان رفيق الحري ق الابجدى

مش هلاقيكى بقى و اللا ايه

خجل رغبه ارتياح جنون سكون التحام ازدحام

ان كان الجزم باليقين هو المستحيل بعينه فاستطيع ان اجزم ان هده المره ليست كتلك الحالات العابره على الاقل عندما يوضع عامل الالمام الحياتى فى الحسبان

كانت مجرد دعابه و لكنها كانت عين اليقين

و الغريب انها اثارت تتابعات فكريه غير متقطعه و غير متصله

غير متقطعه فى اعتبار السرد الفكرى و الحالى الذى اصابته تلك الكلمه

غير متصله فى تباعد الافكار المقصوده التى دقت تلك الكلمه ناقوسها

بدايه لا انكر ان مفقدمه تلك الافكار جائت فى صوره باهته للحبيبه الضائعه

و ذلك على اعتبار ان عقل ليس فضائيا يستطيع فلتره ما يريده حسبما يشاءو لكنى وجدتهخا صوره باهته ضا ئعه الملامح لم يكن البرواز مكتملا صوره مراهقهلم ينتنابنى حتى البكاء على اطلالها و لكن مهلا فهذه هى التتابعات

من وسط كل الرتوش تظهر وشوش فى العتمه تضوينا

من حضن الذكريات تلمع حاجات تفكرنا بغناوينا

و كانت هى نقطه البدايه و النهايه مش هلاقيكى بق ى و اللا ايه

اعلم انك اضعتى معى الكثير

الكثير من دقات ساعاتك الكثير منافكارك المشوشه فى صوره لفتى الاحلام الذهبى الكثير من لمساتك

الكثيرمن من ضحكاتك المصطنعه و كلماتك المعسوله التى غالبا ما كان سردها هو اقتباس من حوار لفيلم ممل و ساذج من مسميات افلامنا حبيب عمرى الحب الضائع غاوى حب

و لكن ص دقينى مللت هذه الكلمات ليس بها من جديد حتى ان ردى عليها اصبح بليد

همسات و كلمات تنتهى نفس النهايه تتلاحم الاجساد فى انهيار تسمونه عاطفى و لكونى ادعى الشجاعه اللفظيه اسميها انهيار غرائزى

تنتهى فيه العلاقه الى اشباع كل طرف لمذاته ايا كانت ابعاد العلاقه بدايه من اللمسات نهايه الى ما يطلق عليها علاقه المطلقه بالرجل

الارمل

و ما ان تنتهى حتى تلاحقها الاخرى

شعور را ئع بالغرور كازانوفا عاد من جديد لذه التقاط الرحيق

متعه كبح اليقظه نشوه الحقاره النفسيه

و ما اسهل تلك اللعبه فهى حقا لا تحتاج الى مهاره و انما فقط تراكم خبرات

و لكن مهلا ..................هذا ليس كل شىء

هذا ليس اعت ذار اليكى فانتى مثلى تماما بحثتى عن الجزء الضائع لديكىلتكتمل الصوره بالطبع صورتك انتى ان كانت نفسيه غرائزيه جنونيه حتى اصبحتى تصدقين تلك الاكذوبه بيننا تماما كمن يصنع الاله ثم يعبده

و لكنى اصبحت لا ابالى ما هى تلك الصوره و ما ابعادها فى النهايه هى مشوشه حتى ان كنت انا بطلها

انتى مثلى تماما رديتى بالجزء لادعاء اشباع الكل و قد تحقق لكى على ا كمل صوره من مغازلات و مداعبات و حتى انهيارت

حتى اننى سرت على مقاييس الخط الاحمر لديكى و ليس لدى

لست قديساو لا ملاكا و لا شيطانا ليس معنى ذلك انكى الحوريه

فالشيطان لا يعتذر و الحوريه لا تسعى للشيطان

اعتذارى الوحيد لكى انتى

مش هلاقيكى بقى و اللا ايه

كازانوفا

ليس الجنون فى ان اكون no u turn

2007-12-30T14:57:00.000-08:00

الساعه الثالثه صباحا

يدخل هو كعادته الى صومعته الخاصه محاولا التخلص من اضطرابات يوم كامل ملىء بالمشاحنات و الصراعات

سواء كانت مشادات كلاميه فى نطاق التعاملات اليوميه العاديه او صراعات فرضتها طبيعه عمله التى تفرض عليه السياق مع مجموعه من الاشخاص مازالت تسيطر عليهم طبيعه نظام سياسى من اعلى مراتبه الى ادناها

و التى تجعل من متخذ القرار صوت لايسمع سوى صداه و ميلاد ناشىء من من يرون ان كل وسيله مكباحه طالما ان النتتيجه ستصبح برواز يحمل صورته على احد جدران الغرفه التى كان بها عمله

اعرف ان تلك مقدمه غريبه الى حد ما و لكن هذا ما توارد الى ذهنه

حاول التخلص من كل هذا و لم يكن ذلك بعسير عليه فقد تعود على ان يسقط كل يوم باحداثه ليستقبل يوم جديد لم يتبقى عليه سوى ساعات

اى انه اتخذ ال اليو تيرن

اما اليوم فهو فى حاله غير طبيعيه حاله جعلت يومه خاص جدا ربما يكون من الايام التى لن تنسى فى حياته فهو يحتاج الى لكن ذلك القرار لن يخضع لاحتمالات الفرض و المفروض فى هذه الحياه و

التفصيل كالاتى

فى جانب من جوانب حياته المتشابكه ياتى الركن الخاص بعلاقاته النسائيه يعلم الاخرون كما يعلم هو انه خلال حياته كان متعدد العلاقات و ان هذه العلاقات قد تعددت مسمياتها ما بين معارف عاديه تقتصر على القاء السلام و الى علاقات تطورت الى حد بعيد الحد الذى يكون فيه اطراف العلاقه مجرد رجل بالغ و انثى بالغه و ما بينهما من صداقات قويه استطاعت ان تفرض احترامها و قدسيتها على حياته و فى اثناء ذلك كان يتعرض الى كلمات من الاعجاب و المشاعر من المراهقات الاتى يذهبن بالخيال المقتبس من الافلام المفتعله الى اقسى الجدودو حينها ترى كل واحده انها الاقدر على اسعاده انها تتفوق على غيرها فى قدرتها على ملئه بكل معانى الكلمه و هنا تنتابه لحظات من الغرور الصحى فهو مطلوب و معشوق تماما كالفتاه التى يكثر مريديها و خطابهاو لكن ما حدث اليوم امر مختلف تماما

هى احدى صديقاته التى يكن لها تقديرا مميزايلتقى بها و يقرران الخروج سويا و انها ستقوم بتوصيله بسيارتها الجديده

تصر هى على ان توصله الى اقرب مكان الى منزله و عندها تطفىء محرك سيارتها و يتبادلان اطراف الحديث فى كل امور الحياه و يتطرف الحديث الى علاقتهما العاطفيه كل على حده و على كونهما صديقان وصلا الى مرحله عدم الخجل عند الحديث فى اى امر من الامورفكل شىء يمكن ان يقال

عندها وصل الحديث الى نقطه انها قالت انها تعتبره فى مكانه اعز اصدقائه و اقربهم جميعالانها لو عاملته على الدرجه التى يستحقها لن تعطيها حقهاكان هذا بالظبط ما قالتهحاولت ان تنهى الحديث عند هذا الحد لكنه يصر على مواصلته اخذته الحيره فى معنى تلك الكلمات منها و قاطعته فى رغبتها فى المغادره تحت صراخات هاتفها من والدتها تطالبها بالعودهو يصل هو الى نقطه الى انها تحبه حقا نعم تحبه فكلامها ليس له معنى اخر و بصارحها هو بما فى داخلهاو هى تشعر ان قدرتها على الاحتفاظ بما فى داخلها قد انهارتهى تعلم ان تلك المشاعر من وجهه نظر الفرض و المفروض هى حتميه مستحيله و لكنها تعلم حدود جنونها و جنونه

و كان هذا بمثابه انطلاقه لمشاعر كان يعتقد انها غير موجوده لديه بالمره لكنه فى نفس الوقت لا يدرك ماذا يفعل او ماذا يقول لكنه يرد ارديك فقط ان تصدقى ان هذه هى اول مره اشعر بكل تلك الراحه و السعاده عند سماعى بمشاعر نحوى

صمت تام الوقت يعلن حتميه ذهابهالم يجد سوى يده و هى تحمل يدها طبعا تلك القبله على يدهاكانت كل معانى خفقان القلوب و اضطرابها قد تجمعت لديه فى تلك اللحظه

ظلت تفاصيبل كل تلك الاحداث عالقه بداخله طوال اليوم هو لا يفكر فى سواها حقااصبح يراها غير كل الاخريات فهى قد استطاعت ان تضىء جانبا لم يصل اليه احد قبلهاو لكن تبا لكل تلك الظروف الحمقاء التى تحول بين الانسان و بين منتهى سعادته

بالطبع لا استطيع ان اقص تلك الظروف فهى امور خاصه جدا و معقده فى نفس الوقت لكنه بجنونه و اندفاعه المعتاد قرر انه لن يتنازل عنها لن يتنازل عن كل تلك الفرحه فى عينيه لن يتنازل عن مشاعر حقيقيه بحث عنها كثيرا و لم يجد منها سوى السراب لن يتنازل عن رغبته فى تحمل مسؤليه اسعاد شخص اخر يراه اسعاد لكل من حوله لن يرى سواها بعد الان ايا كانت الظروف و اى كانت رغبتها و قدرتا على التحكم فى جنونها او عدمهتبا لكل الظروف تبا لكل الاشخاص تبا لكل من يرى فى نفسه حاكما على مشاعر الاخرين

تبا لكل الظروف تبا لكل الخروين تبا لكل القيود

و هنا يتخذ قراره النهائى

no u turn

U Turn

2007-12-09T11:56:00.000-08:00

هى حاله عندما كنت مجتمعا مع

الأصيل على طريق البحر فى الاسكندريه
رأينا العلامه
نورت فى الدماغ الفكره
و قلنا نكتب حاله كل واحد فينا لما شاف العلامه ديه و ايه اللى بتمثله جوانا
اكيد طبعا مش الفكره المجرده او الوظيفيه للعلامه
بس هى فكره موضوع عنها و عليها و حوليها
و الفكره كبرت و قلنا نشارك فيها كل المدونين او على الاقل اللى يعرفونا و نعرفهم
our time on christmast 1/1/2008
يا ريت اللى عاجباه الفكره يشاركنا و يقول انه معانا
و طبعا الميعاد لينا كلنا يوم راس السنه

منذ ذلك الحين

2007-11-09T06:12:00.000-08:00

من ذلك الحين و هو ينظر الى موقعه الخالى المتجرد من ايه نبضات توحى له انه مازال على قيد الحياه

منذ ذلك الحين و هى يرى نفسه مازال باقيا فى ذلك الركن المظلم من حجرته التى اصبحت خاليه من اى درب من دروب الحياه

ينظر الى تفاصيله الباليه

ينظر الى ذلك الركن المظلم

يجد نفسه ذاهبا اليه ينتبه انه لايوجد سوى ذلك الركن من العالم يمكن ان يحتوى ما به من الصرخات الخاويه

يجلس به يضم كتفيه و يداه محتويه ارجله و راسه منهاله عليها

يضم بيديه كتفيه محاولا ان يشعر نفسه بان ذاته باقيه

نعم ذاته باقيه حتى و ان انعدمت بها ملامح الحياه

فهو يعلم انه منذ ذلك الحين

و هو قد تخلى عن موسيقاه الصاخبه التى كان يرفضها كل من حوله

استسلم لنوع من الموسيقى لا يجد فيه ذاته لكنه يسمع به نبضات مجرد نبضات

ينظر الى تلك الستاره البيضاء فى نهايه حاله الظلمه التى يجبر نفسه عليها حاول تخيل ملامحكانتفى الماضى اوضح من هلال شهر هجرى يتلهف عليه المنتظرون له

يتذكر زمن مضى كان يرى خلف تلك الستاره ملامح لمعشوقه كانت ترسم بجسدها المرمرى و ثناياته البارعه ملامح من شخصيته هو

ملامح من تمرده

ملامح من رفضه كونه فرد يحيا بين الاف الملايين غيره من البشر

كان يرى فى تطاير خصلاتها فى ظل على جسدها ثورته و قدرته على البقاء حتى و ان انتهت الحياه من حوله

يرى من رقصاتها و التفافها حول جسدها الذى و ان كان عاريا يحمل كل معانى القدسيه و السخريه معا

منذ ذلك الحين و هى لا يرى كل هذه الملامح

لا يسمع سوى الموسيقى السينفونيه التى كان يراها باهته على شخصيته الثوريه

موسيقى اصبح يمل من حتى مسمياتها و ارقام سينفونياتها لبتهوفين و شيكوفسكى و غيرهم ممن كان يراهم مبدعين و لكن خارج نطاق دائرته

هو حقا يحتاج الى ان يشعل ذلك المصباح فى سقف حجرته

ان يخرج الى النور ان يعيد صياغه صومعته من جديدان يمسك بقلمه

ان يعيد صياغه ملامحه و ملامحها

ان يفتح عيناه من جديد املا ان يرى حفريات متراميه من جسده و جسدها

ان تضاجع عيناه تلك الملامح

ان يعيد تلك الموسيقى الصاخبه الى مكتبته الموسيقيه من جديد

ان تدق الطبول فرحا و جزنا على تلك الحاله فمنذ ذلك الحين و يداه مشلولتان لا تستطيع ان تضرب على ذلك القرص الدائرى من الته المفضله

الا يتذكر من كانوا معه و اصبحت كلمه الوداع و العناق هى السمه لكل من حوله

و هو الان فى انتظار ذلك الحين

بمناسبه العيد تاج جديد

2007-10-14T09:54:00.000-07:00

التاج ده تمريره تمر حنه و ربنا يستر بقى لانها اول مره بصراحه ارد على تاج

لو قالولك تختار اى عصر تعيش فيه تختار اى عصر و فى اى عهد و مين الحاكم و اشمعنى

بصراحه انا مش هحدد عصر معين بس احب اكون فى اى وقت ارجع فيه طفل صغير بدون مسؤليات و لا رغبات و ساعتها هكون حاكم جمهوريه نفسى

يعنى هختار عهد الطفوله

اول اوليه فى حياتك عيلتك و اللا صحابك و اللا شغلك

لة رديت بواقعيه الزمناللى احنا عايشين فيه هقول عيلتى فشغلى فاصحابى

بس لو رديت بواقع شخصيتى انا هقول اصحابى و طبعا اللى هما اصحابى بجد يعنى اللى عايشين و عارفين حلمى و بعديها عيلتى و ثم شغلى و طبعا انا وقولت عيلتى لانى بجد بحاول انول رضاهم لانى بجد محتاج دعواتهم جدا خصوصا الفتره ديه

ايه اكتر حاجه بتحبها فى رمضان

بصراحه اكتر حاجه لمتى انا و اصحابى لما بنتفق اننا نفطر مع بعض فى يوم

او نتسحر

ساعتها بنختار اى مكان على البحرو نجيب الاكل و نقعد بعدها بقى قعده بجد مش ناسى اى يوم منها على الرغم انهم ايام كتير

اوصف اجمل فطار ممكن تفطره

يا سلام الواحد بيسمع السيره ديه ريقه بيجرى

يعنى يبقى كده فيه مكرونه بشاميل و فراخ محمره و يا سلام بقى لو جنبهم طبق طحينه

و الختام كبايه عصير مانجه و مع قطايف

و سلملى بقى على التلبك المعوى و كيس الفوار

لو انت حاكم على مجموعه هتبقى عادل و هتعرف منين ان انت عادل

بصى يمكن انا جربت انى اكون مسؤل عن مجموعه و خصوصا انهم كانوا شباب زىى يعنى اما موضوع انى اكون عادل اكيد هحاول طبعا انى اكون عادل و ده هعرفه من عنيهم يعنى من حبهم ليا

لان فى حاله ان الواحد يكون حاكم لو كان عادل بجد هيبقى محبوب من اللى حواليه و ده طبعا مش بيحصل اللا اذا كان قريب منهم

ايه اللى بيبوظ الحكام نفسهم و الا شعبهم و اللا الحاشيه المقربه

ما اقدرش اقول انه يبقى سبب واحد بس لانها بتبقى مجموعه اسباب مجتمعه يعنى طالما الراس فسدت يبقى اكيد كله تحت منه هيبقى فاسد

و خصوصا لو سلم الحاكم ودنه او صابه الغرور و حب السلطان

مين اكتر اعلامى مصرى بتحترمه

صدقينى لو قلتلك مافيش

يعنى انا شايف ان الاعلام فى مصر كله عباره عن تمثيليه حلوه و مسبوكه بس ساعات بتبقى ريحتها وحشه و بتتفقس نهايتها قبل بدايتها

لو تتمنى انك تشتغل شغلانه تانيه غير اللى انت بتشتغلها هتختار ايه

كنت هختار انى ابقى طيار يعنى بطبيعتى انا بحب السفر و بكره الملل و الثبوت فى مكان واحدو بعدين ده كان حلم من و انا صغير

بس تقولى ايه بقى لكلام العيله الله عليك فى البلطو الابيض

و كان البلد ناقصه دكاتره

ايه تانى بلد تتمنى انك تعيش فيه

يعنى انا هقولك بلدين اولهم ايطاليا

حيث الحياه و الصخب و حضاره فى نفس الوقت

و التانيه هتبقى امريكا بلد الحريات حتى لو كانت مصطنعه بس كفايه الواحد يحس انه قادر انه يبنى نفسه

ما تعرفيش حد يظبطلى فيزه؟

اوصف اجمل ترتيبات فرح ممكن تحضره

بصى انا هقولك على حاجه اجمل فرح هو اللى بجد احس انه بتاع واحد او واحده قريبين منى قوى يعنى ابقى مشارك معاهم فى كل حاجه فى الزفه و فى الفرحو يمكن كمان انا اللى ازفهم بنفسى و ده حصل كتير على فكره

بس لو على الماكن نفسى بجد يا اما يبقى على البحر او فى جنينه فله يعنى يبقى خارج الافراح التقليديه

بتراعى كلام الناس فى حياتك و قول ليه

لالالالالالالالالالالالالالالالالالالا طبعا و بدون تفكير يعنى انا ببقى مقتنع انى طالما انى مش بضر حد يبقى ماحدش له عندى حاجه و بعدين كمان انا مش بحب حوارات السلالم و الكلام و الحوارات

كل واحد ادرى بظروفه

صحيت لقيت مافيش موبايل و لا كمبيوتر و لا كاميرا ديجيتال و رجعنا لعصر الحمام الزاجل و الحصنه

هتعمل ايه

هههههههههههههه

و الله فكره حلوه ساعتها بقى هنرجع تانى للرسايل المكتوبه بقى و اخد حبيبتى ورايا على الحصان

و هتبقى ليله حلوه يعنى

و الواحد هيريح عينيه بقى و يرتاح من صاع الرنات

بس اهم حاجه الحمام يكون فيه خاصيه البلو توث

يعنى بتوفر كتير قوى

السعاده هيه ايه

السعاده هى مساله نسبيه بحته

بس بالنسبالى هى انى انام و مش افكر فى اى حاجه لبكره يعنى انى انام و بالى مرتاح

اى كانت الظروف و التضاربات

عندك امل و اسبابك

اكيد عندى امل على الاقل انى اكون نفسى اللى انا عايزها و السبب انى عايش و و السبب التانى ثقتى فى نفسى و فى قدراتى اللى حاسس انها مالهاش حدود

لما بتحب تهرب من كل شىء بتروح فين

بصى انا مش عادتى انما اهرب بس لما بحب انى اقف مع نفسى و ابعد علشان الاقيها تانى يبقى فى مكان واحد عند حته على البحر اسمها بير مسعود صخرخ عاليه على البحر و و علبه السجاير و تفكير عميييق قوى

مره اخدت فيها نفس عميق و قلن ياه انا كبرت قوى

كل يوم تقريبا بقول كده بس بحاول اخرج من الحاله ديه بسرعه علشان مش ببقى حابب انها تتحكم فيا

لما بتعمل عمل خيرى ايه بيبقى الدافع عندك

اكيد الدافه هو ثواب العمل ده و بعديها فرحه اللى قدامى باللى انا عملته بس اهم حاجه يكون العمل ده خارج نطاق اى تمثليله مزيفه من ادعاء الخير و الفضيله

بتشرب سجايرو ايه شعورك لو شفت واحده ست بتشرب

اه بشرب و يمكن يكون كتير كمان

اما عن الست اللى بتشرب سجاير فهى حره تعمل اللى هى عايزاه بس اكتر حاجه ممكن تدايقنى انها تكون فى الدرخ يعنى طالما انا بعمل حاجه انا مقتنع بيها يبقى ما ينفعش انى اكون جبان و بعدين ما حدش وصى على حد لانه ببساطه ماحدش فينا ملاك

بتعرف ايدك اليمين من الشمال ازاى

ههههههههههههه

اليمين اللى باكل بيها و الشمال اللى مش بعرف اكل بيها و ببهدل الدنيا حواليا

اكتر اله موسيقيه بتحبها

هما التين الدف او البندير لانى متعلق بيه من زمان و الناى لانه بيودينى فى دنيا تانيه

فى رايك ليه الذوق و النخوه اتعدموا

لانه ببساطه كله بقى بيقول ياللا نفسى يعنى كله بيدور على مسلحته و ماحدش بيرضى انه يغصب على نفسه حاجه هو مش عايزهاو بالتالى بتكون النتيجه انه بيقول انا و من بعدى الطوفان

ايه الحاجه اللى لو حصلتلك تبقى سعيد قوى

انى اخلص دراسه بقى علشان العمليه سخت و طولت

و تانى حاجه انى الاقى الناس بتقول الله ينور على اى عمل فنى انا بعمله خصوصا فى الاخراج

تختار يبقى عندك ارض زراعيه و اللا احسن عربيات و اللا فلوس فى البنك

بصراحه فلوس فى البنك لانى لو حبيت اعمل اى حاجه انا عايزها ساعتها هقدر اعملها و اشترى بيها اللى انا عايزه

البحر و اللا النيل

البحر طبعا يعنى ده عشره عمر ياما شافنى و انا قوى و ياما شكيتله و انا ضعيف

مركب و اللا طياره

طياره اكيد بصراحه انا ما عنديش طوله بال

و كمان يمكن اكون بفتقد الرومانسيه الشديده اللى فى المركب

مجنون و اللا عاقل

مجنون جدا لدرجه العقل

تقرا كتاب و اللا تتفرج على فيلم

اقرى كتب لانى هتخيل الفيلم اللى انا ممكن اعمله من الكتاب

بتمرر التاج لمين

امم

ايه التد بيسه ديه

ماشى ياللا بقى

امرره لعقريت السياله و لسندريلا

و النبى مش تزعلوا منى

ده انا غلبان

سارح فى غربه

2007-09-28T11:13:00.000-07:00

بعد ان تمادى فى نومه بعد ان احس ان راسه قد ثقلت حقا من كثره النوم قرر ان ينهض

يشعر بموود طاغى عليه لا يستطيع هو تفسيره و لكنه يعلم تماما انه افضل من حالات كثيره قد مر بها سابقا

ينظر الى مراته ليرى نفسه افضل من اى وقت مضى

حقا يعجبه شكله

يهتم هو بمظهره هذه المره لا يعلم حقا ما هو الدافع وراء ذلك و لكنه لا يريد ان يشغل باله بتفسير ما يشعر به من النشوه

فهو يكتفى بها حتى و ان كانت بدون اسباب

يرتدى ملابسه و يختارها بافضل ما لديه من ذوق يضع عطره المفضل

يملا جيوبه باشياءه المعتاده من حافظته و امواله التى يشعر انها تكفيه

يغلق بابه خلفه و هو حاملا هاتفه المحمول

تاخذه قدماه الى السنترال الذى اعتاد ان يقوم بعمل مكالماته منه و عندما لمست قدماه عتبتبه شىء ما اوقفه

انه حقا لا يريد ان يكلم احدا فهو لا يحتاج احدهم هذه الليله انما فقط هو يريد نفسه

اغلق هاتفه و قرر ان يقضى ليلته بمفرده

ظل يمشى و يمشى حتى وصل الى مكانه المفضل على شاطىء هذه البحر الذى اعتاد ان يكون له وحده

جلس هو غير مبالى لكل من حوله من البشر فهو يعلم ان لا احدا يهتم به و حتى هو لا يهتم باحد فهى نفس الملامح التى اعتاد رؤيتها فى هذه الايام المزدحمه بالبشر

جلس و قرر ان يستغل هذه اللحظات فى مراجعه كل ما يدور بباله

منذ فتره و هو عاجزا ان يتخذ معه قراراته الحاسمه

و هنا ايضا تردد فهو لايريد ان يشغل باله باى شىء دنيوى يمكن ان يعكر صفو موده الحالى

قرر ان يلعب تلك اللعبه الاليكترونيه على هاتفه العقيم هذا و لكنه ايضا توقف فهو يعلم انها تصيبه بملل من تكرارها و عدم تقدمه فيها

و هنا بدا باله يشرد فهو حقا يشعر بغربه ما فى صدره بدا يفكر هل اصبح شخص مودى يتعامل على اساس موده الصدفى الذى ينتابه كل يوم على غير الاخر

هو حقا فى تلك اللحظه لا يشعر بالغربه التى كان يشعر بها من قبل و لكنه فقط شارد فى حالتها بدا يتمتم بنغمات سواء كانت من الحانه او من الالحان التى تعلق بذاكرته دوما

و هنا تذكر جيدا لحن العبقرى منير

بدا يتمتم كلماته و هو يشعر حقا انها تصفه بكل ملامح التفاصيل الداخليه و الخارجيه

شفتاه تتحرك

اديا فى جيوبى و قلبى طرب

سارح فى غربه بس مش مغترب

وحدى لكن ونسان و ماشى كده

ببتعد ما اعرفش او بقترب

و هنا يطلق صدره اه هى ليست باه جرح اوحتى ضيق فى صدره و لكنها فقط اه لا يريد ان يصفها

و ياااه للكائن البشرى اللعين فقد قررت احدى الكائنات ان تقطع خلوته

فقد قررت احدى المارات فى الشارع ان تقطع خلوته

هى فقط سيده تبدو على تجاعيد وجهها انها فى العقد الخامس من عمرها

تقاطع هى صمته

قائله

مالك يا ابنى شايل هم الدنيا ليه

يرد هو

لا ابدا يا حاجه مافيش حاجه بالعكس تماما

تقاطعه

بص يا ابنى ممكن تكون مش عايز تقول اى حاجه بس انا هقولك على حاجه خدها من واحده الدنيا اخدت منها كتير

قولى يا حاجه

هى....الوقت يا ابنى اللى المفروض انك تعيشه مبسوط و تسيبه يعدى منك ربنا هيحاسبك عليه

لو عدى عليك الوقت ده امسك فيه بايديك و سنانك

و بعدها قرررت هى ان تتركه مره اخرى لانها ادركت ان ما قالته له هو الكافى ليغير ما بداخله

ينهى الحديث هو بعباره

ربنا يسهل الحال يا حاجه بعد اذنك ان همشى بقى

تبتسم هى و تقول

فى رعايه الله يا ابنى

و هنا ادرك حقيقه غائبه

هو حقا لا يستطيع ان يعيش بدون ذلك الصخب اليومى و هو ايضا لايستطيع ان يسلخ نفسه منه لانه ببساطه كائن يعيش و يتعايش

و مره واحده

الو ايوه يا كريم

انت فين يا ابنى انا مستنيك على البحر البس و انزل بقى

و عادت الحياه تدق بالصخب من جديد

تحياتى لك يا منير

لست انا و لكنه مود

2007-09-18T11:21:00.000-07:00

يانا يا دنيا يانا

هحكى بامانه

على قصه كانت فوق الارض

يانا و وشوش حزانه

ارواح جبانه

عيشينها بالطول او بالعرض

ايام و سنين بتفوت

احلام عماله تموت

و الخوف ساكن جوانا

موجود مش راضى يموت

ناسيين الدمعه الجارحه عيون الناس

معقوله الحلم هيهرب منا خلاص

تايهين فى حضن الليل

و غيامه مغطينا

بنقول ده امتى النور

يجى ينور عتمه ليالينا

ناسيين الدمعه الجارحه عيون الناس

معقوله الحلم هيهرب منا خلاص

ماشيين فى دروب الكون

و سدود بتمنعنا

عايشين فى كلام حواديت

و حاجات مالهاش معنى

ناسيين الدمعه الجارحه عيون الناس

معقوله الحلم هيهرب منا خلاص

لحظه فراق

2007-09-09T09:48:00.000-07:00

فى قلبى ساكن غنوتى

بغنى اه فى غربتى

تسال يا قلبى فين صحبتى

ترجع تقول لحظه فراق

و كنت فاكر وقتها

هعيش اكيد من بعدها

دلوقتى تحلم تعود لها

تحلم بيوم فرحه لقاه

****

ده الحلم كان صوته صداه

كأنه طير رافض سماه

لو يوم يموت عشق الحياه

فى صوتى ناى حابس غناه

بحلم حبيبى ترجع تعود

جوانا باقيه لينا الوعود

لو يوم هتنسى الذكريات

تعيش اسير لحظه فراق

طابع بريد

2007-08-24T11:50:00.000-07:00

يعود هو من زياره احد اصدقائه يدخل الى معشوقته الهادئه و هى بلكونته المطله على شارع يزفر بالزحام الدائم و الغريب انها تمثل له الهدوء عندما يحتاجه

يتذكر البوم الطوابع الذى راه عند صديقه

ذلك الالبوم المكتظ باشكال و الوان و صور من الطوابع البريديه من مختلف العصور فقد اعجب كثيرا بهذه العاده فى تجميع هذه الطوابع و اكتشف انه افتقد لذتها منذ كان صغيرا

يتذكر تلك الطوابع و التى غلب على معظمها قتمه اللون الاصفر الذى و ان عبر يعبر عن شيبه عصر هذه الورقات الزمنيه

و هنا تخيل شىء ما دار فى خاطره

هو يعلم ان كل تلك الطوابع بغض النظر عن وظيفتها انما هى تخليد لذكرى او موقف معين دار فى امه ما فى عصر من عصورها

وهنا تصور ماذا سيكون شكل طابعه الخاص هذا و ان اراد ان يصمم طابع بريد خاص به

اقصد طابع يمثله هو

و هنا بدا يمسك بقلمه الرصاص و اخذ يخطط برسمه دارت بباله و لكنه فجاه توقف

فهذه الرسمه ليست هى تماما التى يريدها و هنا يدرك الحقيقه

انه حقا لا يدرى كيف يصمم طابعه الخاص انه حتى ان حاول التقليد لاى رسم كان قد راه فى تصميم مقارب لما بداخله فهو ليس تماما كما يريد

و هنا قرر ان يسترجع تفاصيل اى طابع كان قد راه

اولا الشرشره الخارجيه و التى راها و ان عبرت بعيدا عن وظيفتها هى انما تعبر عن تغيرات كثيره حدثت خلال رحله عمره تلك التقلبات الدهريه من قاتمه الى ناصعه و لكنها فى النهايه تغيرات تشكل مجرى حياته

ثانيا الاطار العام و هو بالطبع الاطار العام الذى يمثل شخصيته هو و الذى حدده منذ تكوينها و من اكتسابه للخبرات المتتابعه

ثالثا جنسيه الطابع و بالطبع هى الشىء الوحيد الثابت فى كل الطوابع لكل البلدان على اختلاف عصورها فطابعه مصرى و هو لا يستطيع ان يغير ذلك بغض النظر ان انتمائه من عدمه

رابعا و هو اهم تلك التفاصيل التصميم الخاص بالطابع و هنا يدرك صعوبته كيف له ان يعبر فى رسمه واحده عنه هو

فهو ان عبر ستكون تلك الرسمه هى المعبره عن حالته الزمنيه فى تلك الفتره فقط

اى اينها مقصوره الزمن على حالته المزاجيه و بالتالى لا تعبر فى مضمونها عنه كاملا

حتى سعر الطابع هو ايضا لا يستطيع ان يحدده فاختلاف سعره يختلف على اختلاف الفتره ايضا لانه يدرك ان الانسان يختلف سعره من زمان لزمان و من حاله الى حاله و يختلف ايضا باختلاف الاشخاص الذين يتعامل هو معهم

و هنا ادرك الحقيقه الغريبه انه و ان اراد حقا ان يعبر عن نفسه فى طابع فهذا مستحيل فهذا يتطلب طابع كل يوم و طابع لكل حاله هو يعيشها و طابع لكل التفاصيل التى تتغير و تتضارب معه خلال رحلته فى هذه الدنيا و هنا اعدل عن فكرته المجنونه و قام بتمزيق تلك الورقه التى كان المفروض ان تحمل طابعه الخاص به

و ادرك انه حقا حقيقه فانيه

و السؤال هنا

ماذا ستفعل ان اردت ان تصمم طابعك الخاص؟

شربه الماء لا تساوى حياه

2007-08-16T11:03:00.000-07:00

القصه بدأت فى يوم كنت اشعر فيه باشياء غريبه بداخلى حيث كان اليوم الذى سبق يوم احداث القصه ملىء بالازعاجات النفسيه التى بدت لى و كأنها ناقوس الخطر للانذار بحدث يمكن ان يكون حدث هام

فقد انشغلت يومها باحداث من الصراعات ملخصها هو رغبه جميع الافراد بالانفراد الشخصى عن المصلحه العامه و هذا ما ازعجنى كثيرا حتى انتهت الليله و اتى الصباح الذى يفترض له انه نذير لمحو كل احداث الامس و جائت الفكره من احد الاصدقاء بقضاء عده ساعات على شاطىء هذا البحر الذى اعتدنا ان يكون ملتقى لنا عندما تنمو رغبه الصيف بداخلنا و كانت الموافقه جماعيه و لا ادرى لماذا كنت يومها اشعر بعدم الرغبه فى ذلك و لكنى لم اظهر هذا فما الداعى لتلك الخرافات التى اجدها بلا مبرر بداخلى

و هنا قام الجميع و تم تحضير كل شىء من الاغراض و خلافه لمتابعه احداث هذا اليوم

و التف الجميع تحت ظل تلك المظله الصغيره هروبا من حراره الشمس الحارقه فى الصباح الباكر

و بعد عده مداولات اتفق الجميع على ملاطمه الامواج و كانهم يريدون القاء كل هذه الاحمال لها تحت شعار اليوم بحر و رمال و غدا احمال جديده

و نزل الجميع الى المياه ماعدا انا و فرد اخر

بالنسبه له كان الدافع لعدم النزول هو مجرد متعته فى الجلوس و تامل من فى الماء اما انا فلا ادرى ما هو دافع تلك الرغبه فى عدم مشاركتهم على الرغم من اننى من مدعى اننى اسكندرانى و عيب يعنى انى ما انزلش معاهم

و بعد عده محاولات من المقاومهلم استطع منع نفسى من ان القى انا الاخر بكل ما لدى بين ثنايا تلك الامواج بالفعل اشتركت معهمو اقنعت الاخر بان يقوم بذلك معى و نزلنا نحن الاثنين

و و بمجرد ملامسه ارجلنا للماء حتى سقطت فى هستيريا من الضحك على صديقى هذا فقد رايته و كانه طفل صغير يجبره والده على النزول الى الماءو عندما تعمقنا فى الداخل و لماذا لا و انا دائما ارى نفسى ابعد ما يكون الى الشاطىءو عندها نظرت الى صديقى و رايته و كانه حقا يريد ان يقول ان هذا يكفى و انه لا يريد تلك المغامره و عندها انهمكت فى ضحكاتى و كان ما لا انتظره

حيث بمجرد التفاتى و اتت موجه عارمه لم اشعر بها اللا و المياه تملىء اعماقى انا كانت مجرد شربه مياه و لكنى احسست و كأننى شربت كل هذا المحتوى من المياه و حينها احسست اننى غير قادر على التنفس نعم حينها احسست اننى عاجز عن مجرد التقاط بضع الذرات من الهواء

و حينها توقفت كل ملامح الحياه لدى فقد ظللت ارتفع و انخفض فى المياه و كأننى رافض لان تكون نهايتى هكذا

اما صديقى فقد خيل له اننى امثل تلك القصه القديمه للشاب الذى ظل يكذب انه يغرق حتى ظن الجميع فى المره الاخيره انه مازال يمارس كذبته مع انه كان حقا يغرق فى تلك المره

و بعد ان اخذ ذلك الموقف دقيقه تقريبا من الزمن احس فعلا اننى لا اختلق ذلك الموقف و انه ليس للدعابه و هنا كانت اللحظه الحاسمه عندما سمعته ينادى فرد اخر ممن كانوا معنا و لم اشعر بذلك سوى بنفسى على الشاطىء و كلهم حولى و انا اطرد المياه من فمى و كاننى اقول لها معترضا لا لن تكونى انتى السبب فى نهايتى

و حينما استعدت قدرتى على التفاعل مجددا لم اسمع منهم سوى كلمه واحده

ايه يا عم فيه ايه

و حينها لم تجد الكلمات جدوى معى لكى اشرح الموقف من جديد و حينها طلبت ان انفرد باقى اليوم مع نفسى و طلبت منهم اللا يشغلوا بالهم بما حدث و ان يتابعوا يومهم كأن شيئا لم يحدث

و حينهااحسست بكثير جدا من الاضرابات التى كانت بداخلى شعور لم اشعر به من قبل مزيج من الخوف و التمرد و الحيره و الندم

لقد كانت حقا هى نهايتى لولا القدر الذى نجانى من ذلك الموقف و حينها ادركت حقا ان تلك الحياه لا تساوى شيئا على الاطلاق فمجرد شربه ماء يمكن ان تنهيها و هنا تذكرت كل من هم فى حياتى

تذكرت من ظلمتهم فى يوم و من سوف يتذكرنى اذا كانت هذه هى النهايه و ظللت بعدها ليوم او يومين اشعر اننى فى حاله من السخط و

اللمبالاه من كل الاشياء و لم يكن يخطر ببالى سوى عيناكى انتى ايتها الحبيبه التى انتظرتك طويلا ماذا كان سيكون الحال وانا فى لحظه كان يمكن اللا عيناكى التى هى سر وجودى و وجدانى

هل كنت ساصبح حينها مجرد حاله مرت عليكى فى حياتك

ام ساحيا كتلك القصص الخياليه بالنسبهلكى يا من كنتى يوما لغزا كم حاولت فك طلاسمه

و ادركت حينها حقا ان شربه الماء يمكن اللا تساوى حياه

كده خلصت

2007-08-03T09:41:00.000-07:00

بعد فتره ليست بقصيره تنتابه خلالها الكثير من الضغوك الحياتيه التى تجعله يراجع نفسه كثيرا فى كل ما يحدث فى حياته الماضيه و المستقبليه

قرر ان يفتح هاتفه المحمول يرى ما عليه من الاسماء

و هنا يجد فيها الكثير من الاسماء التى انتهت تقريبا علاقته بهم منذ فتره ليست قريبه عند كل اسم يختار ان يمسحه او بمعنى معنوى يشطبه من حياته يتذكر ذلك الشخص بكل الظروف التى ادت الى ضياع ملامحه من ذاكرته

و بينما هو يمر على تلك الاسماء يجد اسما لاحد اصداقائه المقربين جدا و الذى فترت جدا علاقته معه منذ شهر و اكثر بقليل

يشعر بمراره كبيره عند تذكره لذلك الصديق فكم من الايام و الاحداث التى جمعت

و كم من الاحلام التى طالما جالت بخيالهما طوال فتره لا تقل عن العشر سنوات

و لكن من منا يضمن تلك الحياه بكل ما فيها من التغيرات التى تغير اتجهاتنا و معتقداتنا

و هنا تذكر كيف كانت نهايه تلك العلاقه

حدث ذلك عندما انجرف كل واحد منهما فى طريق بعيدا تماما عن الاخر

و كان ذلك نتيجه لاختلاف شخصياتهما و لكن الغريب ان لكل منهما اعتراض على اسلوب الاخر فى مجريات الامور الحياتيه

فصاحبناا

كان لديه دائما اعتراض على حياه صديقه التى يملاءها الفراغ التام و التى بطبيعه الحال ادت الى انجرافه فى عالم اللا تفكير اختار ان تكون شهواته و رغباته هى المتحكم الوحيد فى مسار حياته

و ما عدا ذلك فهو غير مسؤل عنه و هو رافض له

اى انه اختار ان يعيش لدماغه فقط

اما صاحبنا اختار ان يعيش حياته العاديه ان يغير من روتين حياته بين الحين و الاخر ان يخرج خارج دائره معارف المصلحه من التعاملات الهشه من المخدرا ت و الشهوات

اى انه اختار ان يحيا خارج مجتمع من الاحابى كل منهم يتربص بالاخر على ان يمسك عليه خطايمكن ان يظل نقطه سوداء يعار بها

و كم من المصادمات التى كانت تحدث نتيجه لذلك الاختلاف فى وجهه نظر كل منهما

و لكن بعد فتره كان لكل هذا ان ينقضى

و هنا اتت القشه لتى قسمت ظهر البعير

و كانت هذه القشه هى فتاه و بعيدا عن الدخول فى تفاصيل تلك الفتاه فكل ما كانت تريده هى ان تعيش فترتها الصيفيه حتى تنقضى و تذهب هى الى حياتها و تخرج من حياه كليهما

و الثانى لم يدرك ذلك فقد كانت رغبته بها هى الغالبه على كل شىء

و عاده لا تاتى الرياح بما تشتهى السفن

فقد اعجبت تلك الفتاه بصاحبنا و قد كان السبب على حد قولها انها لا ترى فى الثانى الذى كان من تعرف عليها اولا

الشخص الملاءم لشخصيتها المنطلقه العابثه دائما فهى لا تريد سوى المتعه الصيفيه

و يحكى صاحبنا الى الاول ما قالته الفتاه له عن اعجابها به و عن رفضه هو ذلك لانه قرر ان يبقى على صديقه

و لكن الاول لا يريد ان يقتنع فكل ما اتى الى باله ان صديقه قد باعه

و قرر ان يتخذها الفرصه بان يبعد صديقه عن عالمه الذى يعترض عليه صاحبنا

و كانت اللحظه الغير منتظره عندما قالها الاول صريحه

(انت ما تلزمنيش دلوقتى و انا مش عايزك معايا تانى)

و يقول صاحبنا انه مازال باقيا على الصداقه و انه لا يصح ن تكون فتاه مثل هذه هى المتحكم فى علاقه رجلين دامت لاكثر من عشر سنوات

و لكنه اتضح انه قرار مسبق من الاول الذى بدى انه كن ينتظر فقط الفرصه لكى يتخذ الخطوه فى انهاء تلك العلاقه حيث انصاحبنا اصبح يمثل عبئا على رغباته و شهوات مجموعه الكيف التى طالما رفضها صاحبنا

و كانت هى النهايه

النهايه جاءءءءت فى كلمه ملخصها

كده خلصت يا صاحبى

و بدى على الاول كل علامات البيع

اما صاحبناعلى الرغم ا نه ليس الملاك فى الارض و لكن تبقى عنده نقطه بيضاء و هى انه لا يدرك انه يمكنه العيش بعيدا عن اصدقائه

و لكنه قد حدث و انغمس كل منهما فى طريقه الاول مازال باقيا على شهواته و رغباته و صاحبنا يعيش حياته بعيدا مع مجموعه من اصدقائه البعيدين كل البعد عن حياه الاول

و مع كل ذلك و مع تعدد الصدف التى جمعت الاثنين بعد ذلك و مع رؤيه صاحبناان الاول اصبح حقا ليس باقيا على اى شىء سوى رغباته

لم يستطع صاحبنا ان يمسح الرقم من على هاتفه

و هو لا يدرك السبب

و لا يدرك ان كان هو المخطىء ام ان الحياه تفرض على الجميع اللا ننظر خلفنا و ان نعتبر تلك المسيات من الصداقه و العشره و العيش و الملح

ما هى اللا مسميات واهيه لعلاقات وقتيه تنتهى بمسح رقم من على هاتفه الخاص

عجبت لك يا زمن؟؟؟؟؟؟؟؟؟؟؟

السلم و الثعبان

2007-07-16T08:44:00.000-07:00

هى ليست تلك اللعبه الكرتونيه التى كنا نلتف حولها و نحن صغار سواء كنا من البسطاء او من الميسورين

و انما هى حاله

حاله تخيلتها عند رؤيتى لذلك السلم الخشبى الذى وضعه عامل الاناره تحت شجره و ذلك اثناء فتره الراحه المخصصه له فى عمله

و الغريب ان تلك الحاله قد تطورت معى فى كل تفاصيلها و ابعادها الحياتيه

و تتلخص الحاله فى حوار دار بين السلم و الثعبان و كان الحوار كالاتى

الثعبان.....

اه منك ايها الرجل كل يوم تقوم بالقاء بقايا طعامك فوق جحرى اسفل تلك الشجره و اليوم سوف اخذ بثأرىمنك

و سوف اقوم بلدغك حتى لا تكرر ذلك مره اخرى

السلم

حرام عليك يا تعبان هو مش قصده و كما انه لا يدرك انك موجود هنا و لو علم هو ذلك لفر هاربا خوفا منك

الثعبان

من قال لك هذا ايها السلم ...هل تظن ان الانسان يخشى منى انا بما اننى ثعبان

لا يا صديقى انه فقط يخشى سمى الذى يمكن ان يؤدى الى وفاته لكن تخيل اننى بدون سم و تخيل انه يعلم ذلك سيكون مصيرى مثل مصير اى حشره تافهه يمكن ان يدهسها تحت قدميه

السلم

و لكن يا ثعبان هو لا يقصد ايذائك و انما هو فقط يقوم بالقاء ما تبقى منه تحت قدميه و بالتالى هو لا يقصد ايذائك

الثعبان

اه منك يا سلم لا ادرك لماذا تدافع انت عنه

و انت اكثر من اى شىء اخر تتعرض للاذى منه كل يوم

انظر الى حالك ايها السلم سترى انك قد تبدل حالك كثيرا

الم تكن مصنوع من الخشب الابيض و تخيل معى انك لم تصنع سلم ماذا سوف يكون حالك

السلم

كنت ساصبح كاى قطعه خشبيه اخرى توضع فى المنزل او كنت ساكون قطعه فنيه نحتتها ايدى فنان لتوضع فى احد المتاحف

و لكنى تعودت على حالى الان كونى سلم وظيفتى هى ان احمل هذا الرجل و ان اصعد به الى اعلى كما يريد هو ان يكون

و تعودت اللا اشكو من حالى هذا

الثعبان

و ترى ما الذى غير لون بشرتك هكذا ؟

الم تكن ذو لون ابيض مثل الخشب الذى صنعت انت منه

السلم

نعم كنت كذلك و لكن تبدل لونى من الشمس التى تحرق بشرتى كل يوم و انا اتنقل من شارع لشارع تحت رغبه الرجل

الثعبان

و فى النهايه تدافع عنه

عجبا لك ايها السلم التعيس كيف ترضى بان تكون هكذا

السلم

تعودت ان اكتم شكوتى ايها الثعبان

ثم ماذا بيدى انا ان افعل

الثعبان

مالى اراك ايها الثعبان مرهقا و يبدو عليك التعب

السلم

عندك حق يا ثعبان هذا لاننى لم انم منذ ثلاثه ايام

الثعبان

و ما السبب يا ترى

السلم

ذلك بسبب ذلك المصباح فى العامود فهو لا ينطفىء ليلا و لا نهارا

الثعبان

يمكن ان اعقد معك اتفاق ايها السلم

سوف اساعدك فى ان تنام و ذلك باننى سوف اتسلق عليك و اصعد الى نهايه ذلك العامود و اقوم باطفاء ذلك المصباح

و فى المقابل ستساعدنى انت بان اصعد الى اخر تلك الشجره حيث توجد اعشاش العصافير بكثره و هى كما تعلم غذائى المفضل

السلم

يصرخ بقوه

لا يا ثعبان انها مجرد صغار للعصافير لا تملك القدره ان تدافع عن نفسها

ثم اننى لا استطيع ان اشركك فى هذه الجريمه

الثعبان

عجبت من حالك ايها السلم

تدافع حتى عن العصافير و انت تعلم انها الطريق الوحيد لكى اساعدك ان تنام

و انت تعلم انها فو وضعها هذا تقوم بايذائك انت ايضا فهى تلقى هى الاخرى بفضلاتها عليك

انظى كم لوثتك هذه العصافير التى تدعى انها صغيره و لا تعى شىء

السلم

نعم ايها الثعبان هى لاتدرك ذلك و حتى لو ادركت فهذه سنه الحياه

سنه الحياه ان اتحمل كل هذا فى صمت فقد رضيت بما قسمه لى ربى

و لا استطيع ان اساعدك على التهامها

دعنى بعيدا عن ذلك الاتفاق

الثعبان

اسمع يا سلم انت تعلم اننى لن اغلب فى ان اجد الوسيله الاخرى لقى اصل لاعشاش تلك العصافير

لكنى عرضت عليك ذلك لانك فقط ستسهل على من الامر

السلم

عرضك لى مرفوض ايها الثعبان

و هنا يصرخ الثعبان بقوه

اه انى اموت ايها السلم لقد انشغلت بالحديث معك و قد لاحظنى الرجل و الان هو الذى قام بقتلى

قام بقتلى لمجرد انه رأنى

ارايت ايها السلم

هذه هى الحياه اما ان تبدا انت و اما ان تكون نهايتك

و الان يا صديقى انت قد رايت الدرس بعينيك

تذكرنى جيدا

تذكر اننى عندما صدقتك و لم اقم انا بمهاجمه الرجل ذلك الانسان اللعين

قام هو بقتلى

و هذه هى نهايتى سيقوم هو الان بالقائى فى اى صندوق للقمامه

تذكرنى جيدا ايها السلم

وداعا يا صديقى

و هنا انهارت كل القيم و ازدوجت المبادىء عند السلم

فقد راى بعينيه الرجل الذى كان يدافع عنه هو الذى قام بقتل صديقه الثعبان

هذه هى الحاله

الحاله التى خلقنا لنحياها

الحاله التى نعايشها كل يوم

و السؤال الاخير

اذا كنت انت عضوا او رمزا داخل هذه الحاله

ترى ماذا كنت ستختار

السلم ......الثعبان.......العصفور.........الرجل؟؟؟؟؟؟؟؟؟

يا بنت ياللى بتغزلى قفطان

2007-06-29T04:06:00.000-07:00

اعتقد ان الكثيرين من محبى الفنان محمد منير قد استمعوا لهذه الاغنيه من قبل

و هى تقول يا بنت ياللى بتغزلى قفطانه غزل الصبح ليه عالليل تحلى خطانه

و هذه الكلمات استوقفتنى لمعرفه اصل هذه الكلمات

و قد اعجبت جدا عند معرفه اصل الروايه او القصه الشعبيه المعبره عنها هذه الكلمات

و هى كالاتى

يحكى انه فى سالف حكاوى الصعيد انه كانت هناك فتاه صعيديه من بنات عليه القوم هناك

كانت هذه الفتاه لا يناظرها مثلها فى جمالها و برائتها و رقتها

كان يحكى عنها انها جميله جميلات زمانها

و كانت الفتاه قد و قعت فى عشق مع شاب اسمه فارس و لم يكن فارس مثلها فى حسبها و نسبها

و لكن منذ متى و الحب يعترف بهذه السماجات و الحماقات من العادات و التقاليد

احبته بل عشقته و اصبح هو مالك سر سعادتها

و عندما علم اهلها بهذا الامر ثارت كل عائلتها عليها لانه من العادات المكتوبه عليها ان تتزوج ابن عمها الذى يماثلها فى حسبها و نسبها و لكنه بالطبع لا يمتلكه العشق كما ملك قلبها مع فارس

و عندما علم فارس بهذا الامر تقدم لخطبتها و كانت الاجابه بالرفض للفوارق الاجتماعيه البعيده بينه و بين تلك الفتاه

و عندما علمت اسرتها بتمسكها الشديد به قررت الاتى

ان تقوم الفتاه بغزل قفطان عريسها بيدها

و ان على فارس هذه ان يذهب بعيدا لكى يحاول ان يكون من عليه القوم بعد ان يحارب من اجل معشوقته و ان يجمع اكبر قدر من الاموال التى تمكنهم من الموافقه عليه

على ان تكون المده المتاحه له هى عندما تنتهى الفتاه من غزل القفطان

و حينها ظلت تلك الفتاه فى انتظار وعد فارس بان يعود اليها و يكون هو من تغزل له هذا القفطان ليكون هو عريسها و فارسها الى الابد

و ظلت الفتاه فى هذا الانتظار و كل ليله يكتمل فيها القمر تنظر الفتاه اليه و تردد امانيها بان يعود فارس

و بدر ورا بدر اكتمل و لم يعاود فارس

و حينها بدا الرعب يدب الى قلب الفتاه حتى اصبحت فى رعب من ان يكتمل القفطان دون ان يعاود فارس و تكون هى من نصيب ابن عمها الذى لا تربطه بها سوى هذه الحماقات

و حينها قررت الفتاه ان تدافع عن حبها لاخر الرمق

كانت كل ليله تحل ما تغزله طوال النهار

ظلت ليالى طويله تغزل نهارا و تحل كل ما تغزله ليلا

و قمر ورا قمر

و بدر ورا بدر

و وعدورا وعد

و حتى انا لا اعلم ان كان فارس قد عاد ام لا

و تبقى الاسطوره و يبقى الوعد

مجرد وجهه نظر

2007-06-17T04:51:00.000-07:00

مش عارف اقولها ازاى

اظن ان الكثيرين منا يستخدم هذا التعبير عند محاوله شرح معلومه ما او معنى معين لفرد اخر و ذلك حين يكون المعنى المقصود فقط بداخلنا و لا نجد الكلمات المناسبه للتعبير عن ذلك مع الاعتذار الكامل للغه العربيه الثريه الا ان هناك معانى معينه لا يمكن ان يتم وصفها بالكلمات مهما حاولنا و ذلك ما دفعنى الى التفكير كثيرا فى هذه الناحيه

هل حقا هناك معانى لا يمكن وصفها بالكلمات؟

ام ان هذا ان حدث يكون عجز او ضعف لغوى عند صاحب هذا المعنى

و عرفت فى اعتقادى المتواضع ان المعنى الاول هو الاقرب للصواب بدليل ان هناك كثيرا من المشاهد لا يمكن التعبير عنها بالكلمات و تكون لغه التواصل الفكرى بدون ابجديات هو الاقدر على توصيل المقصود من فرد لاخر بدليل ان هناك كثيرا من المواقف نرى مجرد نظره عين كافيه لضحكات صاخبه او دموع منهمره حتى و ان كانت تل النظره بين اكثر من فرد فى ان واحد خاصه و ان كان المتواصلون متقاربون بحكم المعرفه او العشره او خلافه

و قد قادنى ذل الى كلمات بالرغم اننى من المستخدمين لها اللا اننى لا اقتنع بصحتها فى توصيل المقصود بداخلى

و اهم هذه الكلمات هى كلمه الاختلاف

نعم كلمه الاختلاف فنحن عند المقارنه نقول ان فلان مختلف عن فلان و هذا غير صحيح من اعتقادى لان كل فرد له صفاته و مميزاته الخاصه و ليس معنى هذا ان الاخر مختلف عنه فهو ايضا له صفاته و مميزاته الخاصه به

و لتبسيط المقصود فهذا مثال

اذا قلنا مثلا ان لدينا دائره و مثلت الاثنان يتفقان فى كونهما شكلان هندسيان اذا تحدثنا من الناحيه الهندسيه و لكن لكل منهما صفاته المميزه من حيث الشكل و الزواياو ليس معنى هذا انهما مختلفان او متضادنان فالزاويه الحاده لها صفاتها و الزاويه الدائريه لها صفاتها هى الاخرى فليس الابيض يضاد للاسود فكل منهما لوه بصفاته و طباعه و ليس مختلفا او مضادا للاخر بل الاصح ان كلا له شخصيته المنفرده عن الاخر

و المختصون فى علم الالوان يرون انه عند مزج اى لونين ينتج لون جديد له هو الاخر صفاته المميزه و المنفرده بعيدا تماما عن اللونين الام

فقد اصبح لديه معنى جديد و هذا ما اقصده ............المعنى

فكثيرا ما يحدث عند كتابتى لاى فكره ان يتوقف القلم و كان احباره تجمدت و لكن الحقيقه انه يظل يبحث فى معجمه الخاص عن الكلمات التى يمكن ان تعبر عما يدور بخاكره و يترجمه فى قاموس المفردات داخل الكمبيوتر الالهى الخاص به

وارى فى بعض الاحيان انه عاجز عن ايجاد بعض المفردات التى يمكن ان تدل حتى على ما يقارب المعنى المقصود بداخلى و ليس المعنى الكلى و تكون النتيجه هى تشطيب او حتى تقطيع كل ما كتب فهو ليس بالمعنى المقصود و هذا ما دفعنى الى التفكير فى نقطه اخرى الا و هى

هل هناك معانى مشتركه بين اللغات

اى اذا ذكرنا مثلا كلمه ......انا احبك...........باللغه العربيه

هل هى تماثل تماما i love u

او ان لكل منهما معناه المختلف باختلاف الثقافه و المفهوم المقصود من الكلمه

فهذه الكلمه مثلا تستخدم فى التعبير عن اما معانى صادقه و نقيه و يمكن ان تكون مجرد تعبير غرائزى حيوانى مغطى بورقه من الحرير

كلمات و مفرات و جمل يمكن ان توضع و تعاد صياغتها بمختلف الاساليب لمجرد التعبير عن معنى مقصود حتى و ان كان هذا المعنى لايتعدى فكره حائره فى الاذهان

و هى فى النهايه وجهه نظر ان المعنى هو الشمول و التقصير فى نفس الوقت و ان كل مفردات و لغات الارض يمكن ان تقف عاجزه لمجرد التعبير عن هذا المعنى لانها ببساطه مجرد ادوات يمكن ان تصيب و يمكن ان تعجز

بين القط و الفار

2007-05-26T13:24:00.000-07:00

مملكه من القطط و الفران و الصراصير

و الحدق يفهم

القط الاعظم مالك الخرابه

كيف اجد هذه الكره فى مملكتى و انت تعلم اننى امرت بمنع لعب الكره فى كافه جنبات الخرابه

الحارس

اقسم بذيل مولاى انى منعت لعب الكره فى كافه جنبات الخرابه

القط الاعظم

اذن هى محاوله لاغتيالى اذن

استدعى لى الوزير القط الاسود حالا

الحارس

امر مولاى

القط الاسودياتى فى نظرات مبعثره

القط الاعظم

افيريدى هناك محاوله لقتلى انت تعلم انى منعت لعب الكره فى الخرابه و مع ذلك وجدت تلك الكره فى مملكتى

استدعى الجيش حالا يا افيريدى

افيريدى

و لكن يا مولاى انت تعلم ان الجيش كله على الحدود فالكلاب البول دوج تحيط بنا من كل مكان

ثم كيف استدعى الجيش من اجل كره انا ارى ان الكره ليست امر مهم

القط الاعظم

حسنا يا افيريدى انت تعلم اننى مصاب بفوبيا الكره حيث اننى عندما كنت قطا عاديا يجوب الخرابات بحثا عن طعام فى الليالى القاتمه وجدت وليمتى فى احد الخرابات المجاوره و لكنى عندما هممت بالتهامها اتى فتى من الصبيه الذين كانوا يلعبون الكره و شاط الكره بكل قوته فقطعت ذيلى و قد كان هذا الذيل مشمشى اللون يتمناه اى قط من ابناء جيلى

افيريدى يقاطع

اتقصد ان مولاى الط الاعظم................ازعر

القط الاعظم

نعم يا افيريدى و هذه هى الحقيقه التى لا يعلمها احد

و هذا ما هو اللى ذيل مزيف

افيريدى

و لكن يا مولاى طالما انه لا يعرف احد بالمر فليس هناك مشكله

القط الاعظم

لا افيريدى هناك من رانى انه الفار زعيم المعارضه

و الان ارى تلك الكره فى خرابتى

اذن هى محاوله اغتيال

افيريدى حسنا يا مولاى سوف امر باحضار الفار زعيم المعارضه حالا

الفار

مضت ايام كثيره و تغيرت اشياء اخرى

القط الاعظم

انا الان مولاك و انت تحاول اغتيالى

الفار

لا يا مولاى انا اعرضك اه

اختلف معاكى اه لكن اقتلك ديه مش سياستى

القط الاعظم

و لكن حديثك مع افراد الخرابه عن الديموقراطيه و حقوق المعايشه وغيرها من الميول يثير لى صداعا و لهذا فقد امرنا نحن حاكم المزبله بقطع ذيلك الذى تتباها بيه و بعده قطع رقبتك

افيريدى نفز الحكم

افيريدى امر مولاى القط الاعظم

الفار

حرام انا مظلوم

افيريدى

اسمع يا فار انا عندى ليك صفقه العمر دلقوتى هيجى مندوب الدوله الصرصوريه و يعرض عليك صفقه

الصرصار

اسمع يا فار انت محكوم عليك بطع ديلك و رقبتك

و انا ممكن اهربك بره البلد

بس على شرط تضمن ولاء الفران لينا

الفار

نعم انتوا حشرات

الصرصار

كده هتهمك بمعاده الساميه و هيتنفذ فيك الحكم

و انا عندى اقتراح تانى

ممكن يكوت و لاءك لكلاب البول دوج حلفاءنا

الفار برده لا

الصرصار

يبقى هننفذ الحكم

الفار

بس لو قبلت احنا هنحميك و نهربك و نخليك تقود المعارضه من الخارج

الفاريعنى يا اما صفقه خيانه يا اما اموت

الصرصار

لانك لو رفضت برده هنتفق مع خليفتك و كده كده الصفقه هتتم

الفار يتصل بمجموعته

من النهارده ولاءكوا لعشيره الكلاب اما انا مسافر و هبقى اتصل بيكو

سلاااااام

الصرصار

ياللا يا بطل علشان نلحق نهربك و تقود المعارضه الفارانيه من الخارج

الفار يعنى اخر كلمه الحق صفه هروب او سكينه على رقبتى

اه يا بلد

لن انساها

2007-04-27T10:52:00.000-07:00

فى يوم شفتها..جيت جنبها قربت منها و سالتها
عامله ايه بعد البعاد لسه قلبك فى اشتياق

لسه فاكره كل ذكرى باقيه لينا بعد الفراق

و اللا عادى حاسه عادى لسه قادره على بعادى
فاتت ليالى لا نسيت يا غالى و لا غبتى لحظه عن بالى
وحشتينى نفسى اقولها بس جرحى لسه مالينى
صدقينى غصب عنى جوه منى بيزيد حنينى
مستنى لو نظره حنان ترجع الماضى اللى كان
مهما تنسى و اللا تقسى لا يهون فى يوم حب الزمان
دمعه عينيها ردت قوام و لقيت ايديها لمست ايديا
قالتلى اسفه على اللى كان يا حبيبى عمرك ما تهون عليا
يا حبيبى بعدى كان غصب عنى و شوقى ليك باين فى عنيا
ده انت اللى منى ده انت اللى ليا و لا غيرك انت هيحس بيا

شيزوفرينيا

2007-04-13T03:33:00.001-07:00

هو المصطلح الذى يطلقه اطباء الطب النفسى على حالات ما تسمى بانفصام الشخصيه

و لكن الحاله هنا ليست حاله مرضيه لان الحاله المرضيه تستدعى فقدان الاراده فى تحديد الشخصيه التى يعيشها الانساناو بمعنى تفصيلى هى الحاله التى يحيا فيها المريض شخصيه اخرى غير شخصيته الطبيعيه التى يعرف بها منذ ان تبصر عيناه نور هذه الارض فيتحول الى شخصيه اخرى دون ان تتدخل ارادته فى هذا و يظل يتقلب بين الشخصيه و الخرى دون ان يتذكر انه كان فى حاله مخالفه لشخصيته الطبيعيه

اما الحاله هنا فهى مختلفه فالاراده تتدخل فى كل تحول او فى كل حاله يتنقل هو اليها و خلالها

و هناك ايضا فارق جسيم فالشخصيهمعه هو التى يرسمها بكل خطوطها و ملامحها و ظروف حياتها حتى كل المحيطين به فى هذه الحياه

اعرف ان الكثيرينيمكن ان يظنوا ان هذا درب من الجنون او افلاطونيه مفرطه و لكنى اردت ان اصف الحاله

الشخصيه الاولى ...........هى شخصيه الانسان الذى يراه الناس بكل صفاته التى يعرفونه بهااو حتى صفاته الكامنهبداخله و تكون هى المسيطره على فى كل تعاملاته اليوميه من ايجابياتها و سلبياتها على حد سواء و كثيرون يتفقون معىان هناك امور عديده تكون على عكس ارادتنا فى هذه الحياه و لكنها تحدث و بهى تمر سنوات العمر

اما الشخصيه الاخرى...........هى عندما يكون منفردا و لا اقصد ان يكون بعيدا عن المحيطين به و لكن عندما يشعر حقا انه لا يرى امامه سوى صوره يرسمها خياله فى هذه اللحظه

يراه كما يريد ان يكون كما يحلم ان يكون بعيدا عن اى منغصات فكل شىء متاح حينها يراه اشهر انسان و كأنه يمتلك خاتم سليمان الذى يحقق له كل شىء متاح او حتى غير متاح حتى و ان كان مجرد فكره اتت له فى خياله

يستطيع شراء كل الاشياءو يحقق كل الرغباتيستطيع ان يغير الماضى و يحوله الى مستقبل جديد بعديا كن كل الشياء التى كان لا يريد حدوثها فى ماضيه

يحقق رغبات من حوله و التى كانوا يذكرونها و هو معهم فى شخصيته الاولى التى كان فيه مجرد مستمع اما الان فهو المنفذ لكل تلك الرغبات و كيف لا و هو الذر يرسم ملامح تلك الرغباتيمضى ساعات و ساعات مع معشوقته التى يتخيلها ايضا بكل تفاصيلها

حتى ان كانت هى الاخرى درب من خياله

فهو يريدها كما يجول بها ذهنه

لا احد يمكن ان يتلاعب به فلديه ما يخبره بنوايا و خيالاتهم و افكارهم

يعلم من يحبه حقق و يعلم من يرسم بوجهه علامات الترحيب و الموده لاى اغراض اخرى

و وسك كل هذا هى يريد ان يحتفظ بكل ما لديه من قيمه الخاصه به و ان تكون هى المتحكمه فى كل تصرفاته فهو لا يريد ان تكون كل تلك القدرات مغيره له فى شىء هو فقط يريدها وسيله ليتخطى بها ما يستطيع فعله فى شخصيته الاولى

يعرف هو انها مجموعه من الاحلام الصبيانيه

او هى قصه لفيلم من افلام الخيال العلمى التى تكررت كثيرااو انها درب من جنون التمرد على واقع لا يريد اغلب ما فيه فهو يمقطه و لكن لا يستطيع رفضه فى نفس الوقت

و لكن هذا ما يطارده و يداعبه فى خيالهو الغريب ان الحياه فى شخصيته الحياتيه تكونبعيده الى حد كبير عن ارادتنا فى توظيفها الا فى حالات معينه عندما نكون نحن فقط المسطرين على الخطوط العريضه لهذه الالغاز

اما فى الخيال تكون ارادتنا هى فقط المسيطره على كل التفاصيل الداخليه لهذه الحياه

فكل الحاداث يمكن تعديلها او حتى محوها لتبدأمن جديد

نمحو شخصيات و نضيف الخرى و كأنها لوحه بين يدى رسام يستطيع تعديل كل تفاصيلها و كل جوانبها لتصل الى اللوحه التى كان قد ابتكرها فى مخيلته

و فى النهايه يبقى هذا السؤال؟؟؟؟؟؟؟؟؟؟هل حقا ما يخطر بباله هو حاله من دروب الجنون ام هى حاله من شيزوفرينيا الامانى التى تسيطر عليه

ام..................لا اعرف

عذرا ارفض ان اكون لحظه انبهار

2007-03-24T12:25:00.000-07:00

و بينما يعيش هو منشغلا فى حياته الرتيبه التى تخلو الى حد كبير من الدفء

حياه لا يجد بها سوى مجموعه من الاصدقاء القريبين اليه بعد ان تساقطت وريقات الشجره الكبيره من اوراقها و هو يدرك انها تساقطت الواحده تلو الاخرى ليس الا لانها لم تكن الا علاقات مرتبطه بفتره زمنيه او مكانيه او بمصطلح ادبى لفصل عاشه فى حياته

يحيا هو و بداخله الكثير من الجنون من الالام من الشجون حاملا بداخله الكثير من طيات الحب المفقود الكثير من الاوراق القديمه التى لم تعد الا ذكريات محبره على لون اصفر قاتم يغطى اطراف اوراقه الباليه

تظهر هى فى حياته يتحادثان فى شتى الامور تتقارب نظراتهما الى كل المعانى يجدها الفتاه البسيطه التى تحمل فى ملامحها الكثير من عبرات الشجن الدافئه التى تغطى ابتساماتها التى عاده تصارحه بانه الوحيد القادر على اظهارها

تتقرب منه خطوه و يراها تسرع فى الثانيه

تحاول ان تتعرف على تفاصيله حالاته كلماته المعتاده الوانه المفضله تصارحه باحزانها لتجده الاقرب اليها مستمعا و محاولا الا يتركها دون ان تعاود رسم ابتساماتها من جديد

هو لا ينكر انها شغلت ايضا الكثير من تفكيره من محادثاته الداخليه من مقابلاتها التى تتزايد يوم بعد اخر و لكن هيهات هو لا يريدها ورقه باليه صفراء ترقد مع مقتنياته

و ياتى اليومالذى كان داءما يحاول ان يباعده

تطلب هى رؤيته و مع اصرارها لايجد مفر

يجتمعان فى قد اختارته هى ينتظرها حتى تاتى

يراها و قد ارتسم عليها كل علامات الانوثه و الرقه و الحياء و الجراه فى ان واحديقتربان فى الحديث من ان لاخر حتى تثبت عيناها فى عينيه و هنا ادرك انها سمحت لنفسها ان تعبر كل حصونه لتكون هى المالكه لها

فاجأته باعجابها له و لشخصيته بل و فاجأته انها تحمل له مشاعر تجعلها الاسعد فى حياتها

و هنا اجتمعت لديه كل معانى الحيره

هل يدك حصونه ؟هل يسلمها مفاتيحها التى غطى الصدىء الزمنى معالمها

لكنه يتخذ قراره

يصارحها بانه يحمل لها معانى مختلفه من المشاعر لكنه يظل بداخله احساس مازال يصارعه

ما هو السبب وراء كل تلك المشاعر التى تحملها له؟

هل سيكرر اخطائه السابقه؟

هل سيصبح كالتلميذ البليد الذى لا يتعلم مهما عاد التكرار؟

و فى نبره حائره يقول لها

انتى تعلمين انى لست الفارس الذهبى الذى تكونه الفتيات فى احلامها تقابلنا و تحادثنا و تقاربنا و لكن يبقى بداخلى السؤال

هلى ما تشعرين به هو الاحساس الذى يلزم الغريق لمن اتى اليه بطوق النجاه هل لانكى رايتى شخصا مختلفا عمن حولك ممن لا يرون لتفاصيلك الداخليه دلاله؟هل و تصحبها الالاف من الاسئله

عيناها تلمع و قد راودتها المفاجأت بكثير من الانفعالات لا تدرك هى معالمها و تكون الاجابه من طرفه هو

نعم انا اقدر بل و احترم ايضا جرأتك فى مصارحتى بعيدا عن تلك التكلفات اللعينه و لكن يبقى حصن بداخلى لم يستطع احد ان يدكه

و هذا الحصن هو كونى لحظه انبهار

فعذرا ارفض ان اكون تلك اللحظه

و من يدرى ؟

مختلفه

2007-03-07T12:04:00.000-08:00

لا ادرى ما بها دفعنى للكتابه عنها و لكنى اظن ان السبب فقط هو انها مختلفه

الناظر اليها لا يرى ما بها سوى انها الفتاه الصغيره المقبله جدا على التعايش مع حياتها الجديده .نعم هى قد وضعت لنفسها كل القواعد بل القوانين الللازمه لها للتعايش مع حياتها الجامعيه الجديده

و الغريب انها اجبرت الجميع على رفع لواء الاحترام و التقدير بل و الاغرب ايضا انها اصبحت و فى وقت قصير من الشخصيات التى تركت بصمتها فى محبه الاخرين لها هى بأختصار شديد واحده من من يطلق عليها مع صديقاتها المثيلات لها بنت ناس قوى

و لكنى دائما كنت ارى بها الشىء المختلف فقد كان يراودنى الاحساس انها بالرغم من الصوره الخارجيه لها فهى تحمل فى طياتها الكثير بل و الكثير جدا الى ان اتى اليوم الذى انهار فيه فضولى

اتت هى لمجرد تلبيه طلبى لها فى شىء ما و لكنى وجدتفى عينيها دمعه تتخافى بين قواعد حيائها كفتاه لها خصوصيتها فى كتمان دمعه عينيها

و بالرغم من كل هذه المحاولات لاحظت انا هذه الدمعه الماسيه و كانت منى كلمه واحده ................لينا كلام بكره

و اتى اليوم التالى و دار بيننا حديث طويل و لا انكر انا ايضا اننى لم اضع الحاجز معها فى الحديث عن اى شىء حتى و ان كان خاص جدا

و فى اثناء حديثها عرفت اننى كنت على حق فى نظرتى لها

فالرغم من الصوره الخارجيه لها التى تحمل الابتسامه الدائمه فهى تحمل الكثير من التفاصيل الدقيقه بل و الكثير من المشاعر المتضاربه من رغبه فى التعايش مع كل من حولها بأختلاف شخصياتهم و قواعدها المحركه لها و هذا ما يسبب لها الكثير من الاضطراب فعلى حد قولها هى لا ترغب فى اداء اى شىء يخالف تلك القواعد و فى نفس الوقت هى لا تحكم على احد الالتزام بتلك الحدود

و هى ايضا مع كل ذلك اراها المهتمه الاول بكل ما يدور حولها من اضطرابات الاخرين

تشغلها مشاكلهم و احزانهم و افراحهم على حد سواء لدرجه تجعلها احيانا تبكى لمجرد انها ترى احدهم تشغله حاله داخليه تجعله فى غير حالته الطبيعيه و يصل ذلك احيانا انها تقضى اوقاتا طويله منشغله فى التفكير فى كل هذه القضايا

تتحدث عن الحب عن المشاعر و هى لم تشعر بها يوما تصفه بكل تفاصيله بكل احاسيسه بكل ما يحمل من الحزن و الشجن و الدموع و الابتسامات

كيف جمعت كل هه الخبرات الحياتيه و المعيشيه و كل هذه التفاصيل فى فتاه لم تكمل عقدها الثامن عشرو كيف يتسنى لها ان تخفى كل هذا فى طياتها بحيث لا يرى منها سوى الملامح الخارجيه فقط اما الباقى فهو لها وحدها و حوله الكثير جدا من الحواجز التى يصعب اختراقها

و فى نفس الوقت فان ها لا يطبع عليها الكثير من التعقيدات النفسيه التى اراها فى مثل من يهتمون بمن حولهم

و امام كل هذا لا ارى امامى سوى ان ارفع تحيتى لها فهى فى كلمه واحده مختصره جدا ...........مختلفه

و الدليل على ذلك انها الوحديده التى كان لابد من ان اطلب منها الكتابه عنها قبل ان اخط اى حرف من كل هذا

هى حقا مختلفه

انا بايعه القضيه

2007-02-17T10:05:00.000-08:00

صدفه غريبه جمعتنا ثلاثه من الاصدقاء على شاطىء البحر فى اول النهار

نحن فى انتظار الرابع لتكتمل المجموعه بعد ان جمعنا احدنا و ذلك لحالته النفسيه المنحدره

على احد الكراسى العلويه نجلس

و بالصدفه كانت هناك تلك الفتاه

هى جالسه غير مباليه بنا تماما نراها منشغله تماما بما يدور بداخلها من الهموم التى نقدر لها فيها و حدتها و انشغالها

و لكن الملفت اننا نراها تشعل سيجارتها تلو الاخرى فى طريقه هستيريه غريبه

دفع ذلك فضول احدنا فقرر ان يقطع عليها وحدتها و صمتها فتتدخل قائلا

ايه يا بنتى انتى بتنتحرى و اللا ايه

و كانت الايماءه و الامتعاض على وجهها معلنه رفضها الحديث

و لكن الثانى اعلن رفضه رفضها ذلك فتتدخل مع الاخر فى الحديث و اظن انها وجدت فيه القابليه للحديث معها فقالت

و النبى سيبنى فى حالى انا فيا اللى مكفينى

و بدات الكلمات تتنازل على شفتيها جاذبه الحديث

و كأنى ارى مشهد من فيلم اجنبى قديم حين تجمع الصدفه البطل و البطله فى احد المتنزهات و كل منهما يجمع فى داخله احزانه و همومه

و يتبادلان الحديث

و كانت اول كلماتها انها جالسه فى نفس مكانها منذ السابعه صباحا

و كان طلبها التالى

سيجاره

و اشعلتها و كانت كلمتى الوحيده

يا بنتى اللى انتى شيفاهم دول كل واحد فيهم جواه هموم الدنيا حاولى تفكى و تهونى على نفسك

و بعد الكثير من الحديث

اتى الرابع و كانت كلمه احدنا

انتى ايه رايك احنا هنلف شويه ما تيجى معانا بدل ما انتى قاعده كده

و كانت الاجابه بالموافقه

و ركبت معنا

خرجت هى بعد مرور الوقت من حالتها و بدات فى الضحك معنا

و عندما توقفنا قليلا كان سؤال منا لها

احنا رايحين العجمى دلوقتى تحبى تيجى معانا

و كانت المفاجأه الكبرى

انها لا تمانع فى ذلك

و كانت اجابتها بكلمه

اوكى انا بايعه القضيه

فى البدايه لم نفهم تماما ماذا تعنى

و لكن بعد الحديث معها عن ظروفها قالت انها تعانى كثيرا من عائلتها و ظروفها و انها تفكر جديا فى ان تترك لهم الحياه و تعيش مستقلع عنهم جميعا

و بدأ الاسلوب فى التغيير من الضحك الى المداعبه منها

الى الحد الذى سمح ليظن كل منا انها ليست سوا مجرد فتاه ليل تحاول ان تتقن دور المسكينه لتنال ما تريد

و لكنها ليست كذلك

فهؤلاء لا يقومون بالدفع فى اى شىء بل يصرف عيهم فقط و هذا ما لم تفعله

فهى التى كانت تقوم بشراء الاحتياجات حتى لنا

و هذا ما دفع الدهشه بداخلى

هل هى تعلى معنى كلمتها

انا بايعه القضيه؟

و اذا كان الحظ قد اوقعها بنا فماذا كانت ستفعل لو وقعت فى ايدى ما ليس لهم ضمير

ماذا سيكون مصيرها

و هل هى حقا وصلت الى حد انها باعت نفسها حقا لمجرد التخلص مما تعانى

و يا ترى ماذا سيكون مستقبل هذه الفتاه و هل ستصبح واحده من مأت القصص عن هؤلاء الفتيات الاتى يقعن فى هذا الدرك الاسفل من المعاملات

و لا ادرى ماذا افعل معها بعد ان اعتادت على الاتصال بنا و سؤالها الدائم

هنعمل ايه النهارده

و قولها صراحه انها تريد ان تطفش اليوم قبل غد

و انها على استعداد على الاقامه مع اى منا

دون النظر الى اى حسابات

انا حقا فى حيره

و البدايه كانت كلمه

انا بايعه القضيه

خرجت عن شعورى

2007-02-05T07:56:00.000-08:00

الموضوع بقاله اكتر من اسبوعين بدا بخناقه عائليه كالعاده طبعا الصوت عالى و هتافات الزعيق مغطيه على كل حاجه نقد
متواصل لكل تصرفاتى سواء جوه البيت او بره البيت
و كالعاده انا متمسك بحريتى فى اتخاذ اى قرار لانه ببساطه يخصنى انا لوحدى بس
عارف ان كل اللى بيحصل ممكن يكون زياده خوف عليا او حب زياده بس لما يوصل لغايه ان الحب ده يخنقننى يبقى لازم انى اقول لا لكل التصرفات اللى ما تناسيبش ان حد يتعامل معايا بيها
كالعاده خرجت عن شعورى و لانى عصبى جدا و لانى لما بوصل لمرحله معينه بفقد فيها اعصابى ما بشوفش بعدها
اتنرفزت و لقيتنى بدعى على كل حاجه ارفانى فى عيشتى حتى هما كاشخاص
انتهى الموضوع انى لقيت نفسى بضرب ايدى فى حرف الباب مع الزجاج و بعد دقيقتين لقيت ان اختى بتقولى انت مال ايدك ببص لقيتها كلها دم
طبعا انهرت قدام نافوره الدم اللى لقيتها فى ايدى و خصوصا ان ضغطى كان عالى ساعتها
توقعت ان كلهم هينسوا اى حاجه و هلاقيهم جايين جرى عليا
بس للاسف واضح ان اللى كنا فيه كان اقوى من اى اعتبار تانى
المهم جريت على العياده اللى جنبنا و انا بحاول انى اوقف سيل الدم ده
الدكتور فى الاول افتكرها خناقه
المهم فى الاخر لقيته بيقول انه لازم عمليه فى ايدى علشان يخيط العضلات علشان شافها متمزقه
و بدون تطويل لقيتنى ايدى ملفوفه بشاش ابيض كتير قوى
بجد صعبت عليا نفسى جدا و عشت فى حاله ما يعلم بيها اللا ربنا
مش بس لانى حسيت انى جرحت ايدى بس لانى حتى ما حسيتش باى حد جنبى الله هم اللا اتنين من اصحابى القريبين قوى
و برده فضل الحال زى ما هو عليه بجد انا زهقت من الوضع ده
حاسس ان كل واحد فينا واقف على رصيف و مستنى التانى يعديله
و فى النهايه كل واحد فينا واقف مكانه لا انا مقتنع بكل ارائهم و اللا هم كمان راضيين عن اى حاجه انا بعملها
و فى النهايه لا يسعنى سوى ان اقول
فليسقط الكبار و عالمهم و ليسقط جيلهم و لتسقط افكارهم
فليسقط هذا العالم كله
فليسقط او اسقط
فالحريه الوحيده التى تبقت لى هى ان اتركهم ان ارحل و سارحل فورا

نظاره شمس

2007-01-12T13:20:00.000-08:00

هى تفصيله جديده اراها تلازمنى هذه الايام

تفصيله جعلتنى اتسأل عنها بداخلى

لماذا انتى فى هذه الفتره من الشتاء

لماذا ارتبطت بكى فى هذه الايام من السقيع و عرفت اخيرا ردا على سؤالى

فانا اصحو كل يوم غير مبالى كم تكون دقات الساعه اضع ما اجده امامى من قطع الملابس الشتويه تلتف كوفيتى حول رقبتى و يداى تمتدان لا اراديا لجذب هذه النظاره

انزل مهرولا امر على بائع فطيره الجبن التى عاده ما تنتهى عند موقف الميكروباص ليتكرر مشهد الزحام اليومى الذى ابتعد عنه فما الداعى ؟ ما اهميه التسابق عليه فلا احد ينتظرنى احد و حتى ان كان فلينتظر

اجلس فى الناحيه اليمنى من هذه المواصله اللعينه

غير مبالى بباقى المشاركين فى هذه الرحله الزمنيه التى تمتد لنصف ساعه

يسلك هو طريق البحر

ليتكرر مشهد كل يوم اظل مراقبا لهذا الطريق طوال الرحله

تأخذنى الكثير من الافكار المشوشه لا ادرى ان كانت امانى او انها مشاهد لما اعانى

حتى نمر على هذا المكان حين ارى و اترقب من من الوجوه سيكون هناكو يتكرر المشهد لاتذكر او بمعنى ادق لاقارن زمان كنت انا فيه من يلعب دور البطوله اما الان فانا من المتفرجين

و كأن قواعد هذا المكان ان يكون المارين و الجالسين هم من العاشقين فقط

حيث تمتد كل يد اخذه يد حبيبها قائله خذنى بعيدا عن هذه الحياه

لتسلل ارواحنا بين ايدينا

اتذكرنى جيدا و اتذكر كم من السعاده كنت احياها فى هذا المكان

يمكن يكون من السهل ان تاتى معى ......اقصد المعنى المجرد لفتاه..........

لكن فى نفس الوقت من المستحيل ان اشعر بما كنت فيه ايامى السابقه

ارى الحواجز الصخريه الممتده و كأنى اظن انها وضعت فقط لتفصل كل حبيبين عما سواهم من البشر تنتابنى رجفه اشعر بها و كاأنها رجفه برد فى اقسى ايام الشتاء فهل هذا البرد هو ما اشعر به حاليا فى حياتى الفارغه

و كانه مشهد بالتصوير البطىء السائق يقف لينضم الى رحلتنا اثنان من من كانوا بين هذه الصخور مختلسين من الدنيا لحظات لهما فقط

ياه كم فعلت هذا حين كنت ارى دقات الساعه تنزر بانتهاء وقتنا معا لهذا اليوم

و قلقى الشديد

لتصل هى دون تأخير حتى لا تتعرض للاحراج من عائلتها

و وسط كل هذه المشاهد اشعر كأننى اصبحت الدرويش الشعبى مع فارق وحيد انه يضع تفاصيله من السبحه الزرقاء الطويله و قنديل البخور معلنا شخصيته للجميع

اما انا فتفاصيلى كامنه بداخلى غير معلنه لانسان

اضع نظارتى الشمسيه و كانى اجعلها الستار الذر يخفى دمعتى الكامنه عن كل العيونو عندها تصبح الصوره و كأنها نيجاتيف لفيلم ابيض و اسود

و تصبح الوجوه عباره عن هياكل سوداء لا ترى ما بداخلى من الثوره

و تكون كلمتى الصامته لكل الوجوه

ايوه انا درويش المجنون

من وسط المى و شجونى هكون بيكم كونوا بدونى كونوا احرار

و تنتهى الرحله اليوميه

على اى جنب لو سمحت و كانى ارفض اكمالها لانى لم اخترها اصلا

العجيب انه بانتهاء هذه الرحله ارانى ازيل هذه النظاره من على عينى لاراها معلقه فى رقبتى و كانى لم اعد احتاج اليها

و لكن هيهات فالرحله ستنطلق غدا بنفس التفاصيل

كلاكيع للبيع

2007-01-05T03:02:00.000-08:00

الموضوع ببساطه انى فى يوم جه فى دماغى مجموعه من الناس اللى بتعامل معاهم يوميا تقريبا منهم طبعا القربين جدا ليا و منهم برده اللى اصحاب و معارف و خلاص

و لقيت ان كل واحد فيهم جواه كلكوعه مكعبره او يعنى عقده جواه بقت هيه المكونه لشخصيته او بقت هى المحرك الاساسى لكل تصرفاته و اكيد بنظريه النسبه و التناسب يبقى اكيد اغلبيه الناس برده كده

دور على عقدتك بقى فى الامثله اللى جايه

car cash

واحد صاحبى من زمان ياما اتخانقنا و يا ما اتصالحنا الملخص انه ولد راجل جدا اللا عند العقده -البنات

الواد من كتر ما عرف بنات و ارتبط احيانا و اتقلب برده احيانا بقى الهدف الاساسى فى الحياه هو الحريم يعنى لما البنت تقف الدماغ اوتوماتيك تقف

النتيجه-بقى اصعب قرار عنده انه يمسح نمره بنت من على تليفونه

اعرف صاحبك و علم عليه

zankalon

انتيمى اللدود

ده بقى على النقيد تماما

اكبر عقده فى حياته انه عمره ما ارتبط ببنت اكتر من اسبوع

يمكن ده عيب فى شخصيته يمكن ما فيش واحده ملت دماغه

المهم الحياه اصبحت فى فراغ تام خصوصا بعد ما اتخرج بقت القاعده على القهوه و الفرجه على اللى رايحه و اللى جايه هى الحاجه الوحيده اللى بتتعمل

النتيجه-الواد بقى فى حاله سطل مستمره من كتر الشرب لدرجه انه بقى العاده المقدسه اللى بتخليه يفك من الاكتأب اللى عايش فيه

jolia

بنوته دلوعه صغنطوطه دماغها متركبه غلط

عقدتها انها عايشه مع اب و ام منفصلين بس عايشيين فى بيت واحد و كل واحد بيحاول يشدها ليه لدرجه ان الموضوع قلب بنتيجه عكسيه من الكبت

البنت مش لاقيه اى نوع من الخصوصيه او الحريه فى حياتها بقت مرعوبه من كلمه انتى تربيه واحده ست

النتيجه- حاله من الاكتاب المستمر مع بعض فترات من التهييس و الهيبره

و رغبه مستمره انها تهج من البلد كلها لمجرد انها تعيش حريتها

و رفض تام لاى نوع من الارتباط

ربنا يستر

jeminem

مجموعه كلاكيع من اب ديكتاتور بقى ضابط متقاعد لقصه حب فاشله لرسوب متكرر فى الكليه مع انه فى اخر سنه

اضياع احساسه باى حاجه جديده ممكن تغير حياته

النتيجه-التردد فى كل قراراته طظ فى اى حب تانى الحياه كلها سوده

zzzzzzzzz

اللى يشوفها يقول البنت المهيسه اللى لازم تكون موجوده فى رحله

بس المشكله انها عمرها ما اتحبت او ارتبطت يمكن بس تكون حبت و ده يمكن لان الكل بيتعامل معاها على اساس انها واحد صاحبنا لدرجه انها بقت بتتجن كل ما تسمع عن اى موضوع ارتباط و تقعد تقول ايه لازمته ما كل واحد يبص لمستقبله احسن

النتيجه-ماحدش يقولها عن اى حوار زى ده يا جماعه هيه مش ناقصه

طبعا بعد كل ده و فيه امثله تانيه كتير اكيد انا مش الواحد النقى الابيض من جوه

ده يمكن انا اكون الكوكتيل الجميل من كل ده و كمان انا ما اعرفش غيرى بيبص ليا ازاى

المهم فى الاخر حد لقى اى كلكوعه على مقاسه

الااونا........الادوا..........الاتريه

حمد الله على السلامه

2006-12-30T04:57:00.001-08:00

تليفون جالى امبارح من اسلام صاحبى

انت فين يا ابنى؟

انا فى البيت يا اسلام

طيب تعالى على القهوه دلوقتى

ليه يا عم فيه ايه

تعالى بس فى حوار كده

طيب يا عم جاى

المهم روحت و لسه داخل اتلقهوه لقيت ايمن اخويا و صاحبى قاعد

اييييييييييييييييييييييمن

حمد الله على السلامه

واحششششششششششششششنى

لقيتنى نطيت عليه

الواد كان فى الجيش و ديه اول اجازه ينزلها

اسمر بقى و حالق ميرى و ايه

بس بجد واحشنى موت يا مون

مش قادر اقول بقى الحكايات اللى حكيناها لبعض عن الفتره اللى كان فيها هناك ديه

بس اكتر حاجه فرحتنى انه لسه ايمن زى ما هو

يعنى لسه هو الواحد اللى ممكن يفهمنى حتى من غير ما اقول حاجه

حمد الله على السلامه يا صاحبى

ياللا سلام بقى علشان نازل اشوفه تانى النهارده

فات الاوان

2006-12-21T12:59:00.000-08:00

و رجعتلى ندمان على الايام فى بعدى

و رجعتلى بتقول حياتك ما تساويش و لا حاجه بعدى

كان فين الحب ده من زمان

كان فين الحب ده من سنين

و القلب اللى عشقته و خان

باع الحب و الشوق و الحنين

يا حبيبى فات الاوان

يا حبيبى مر الزمن

يا حبيبى حبك ده كان

يا حبيبى جرح و الم

اه اه........اه اه

كان صعب اعيش لوحدى اداوى فى الجراح

كان لازم يا حبيبى اتعلم من اللى راح

فجأه لقيتها قصاد عيونى بتنادينى

بتقولى فينك من زمان يا ضى عينى

عشقاك و حساك من زمان و انت ناسينى

شايفنى بعيونك و قلبك عنى غايب

ضماك برمش العين و بالقلب اللى دايب

بحلم تحس بشوقى يا اغلى الحبايب

و اديتنى كل حاجه الحب و الاخلاص

و اديتها كل حاجه خليتها فوق الناس

و اديتنى كل حاجه ............و اديتها كل حاجه

و ما عدش فاضل حاجه ليكى عندى انا

يا حبيبى فات الاوان يا حبيبى مر الزمن

يا حبيبى حبك ده كان

يا حبيبى جرح و الم

فااااات الاوان

هذه الاغنيه ليست هى الحاله التى انا عليها الان و لكنها كانت منذ اكتر من شهرين و نصف تقريبا

و لكنى وجدت نفسى متذكرها جدا هذه الايام بعد ان كتبت و انطوت عليها اوراقى

سجاير و كبايه عصير

2006-12-15T11:48:00.000-08:00

الساعه الثانيه صباحا

الكل نائم فى المنزل و انا كعادتى الخفاشيه بصفتى كائن ليلى سهران بعد خناقه عائليه كالعاده انتهت على مافيش

المهم لقيتنى واخد كرسى البحر الللى فى البلكونه و فرده و اخد معايا علبه السجاير و كبايه العصير و قاعد بقى

الجو يعمه هدوء تام و طبعا طردت فكرتى الشريره المتطفله بمعرفه ما يدور خلف كل شباك مغلق امامى

يااااه احساس حلو قوى و الواحد قاعد لوحده كده و ممدد و سايب دماغه تروح فى اى حته

لقيتنى مره واحده افتكرت اصحابى يمكن علشان كنا بنقعد كده مع بعض من زمان

خلاص بقى كل واحد فينا بقى فى بلد

غير التانيه

و انا هنا فى البلكونه يا عالم كل واحد فيهم بيعمل ايه دلوقتى

ما علينا علشان ما اغمش نفسى افتكرت يومين كدخ كنت قضيتهم من اسبوع تقريبا فى معسكر كنت معزوم علي شرفه كقائد تحكيم فيه لجواله الكليه

و ده كان فى اداره البحريه المصريه فى بحرى

و الله كانوا يومين حلوين

الواحد كان عمال يبص للولاد الصغيره اللى لسه داخلين الكليه جديد او حتى اللى بقالهم فتره كلهم بيشتغلوا كده و بيتدربوا

الواحد افتكر لما كان قدهم كده و بيبص على الناس الكبيره و على التحكيم و يقول لنفسه امتى هبقى كده

مستعجلين على ايه بس

ديه احلى ايام اللى انتوا فيها دلوقتى

و اللا مجموعه البناتيت اللى كانوا هناك و الله بنات تفرح كلهم مقاس واحد تقريبا

ما علينا بقى من جو الهزار و الضحك خصوصا فى حفله السمر بالليل

و اللا اللى بيحصل بقى فى الاوضه قبل النوم

العيال بتطلع الكبت اللى بيشوفوه فى الكليه كله فى اليومين دول

ايه ده انتى فى بالى

انا ماكلمتكيش بقالى يومينبس سمعت صوتك النهارده بجد كنت فرحان جدا و خصوصا انك قولتى انك احتمال تيجى فى الاسبوع ده

هو انتى ما اتصلتيش بيا ليه

اكيد مش معاكى رصيد

المهم بجد وحشتينى

يااااااه الساعه بقت اربعه الصبح و كمان علبه السجاير فاضل فيها واحده بس

خلاص خليها للصبح بقى بدل ما انزل و انا لسه صاحى

تحت البطانيه و سيب نفسك بقى

تصبحوا على خير

و لهذا كله اريدك

2006-12-01T03:27:00.000-08:00

عندما نظرت الينا لم اعرف ما الذى دفع هذه الافكار ان تدور ببالى

لكنى استسلمت لها

و هذه الافكار كانت هى السبيل لادرك حقا لماذا اريدك

و كانت هذه هى اجابات لكل ما دار بخاطرى

اريدك =لالملم تفاصيلى الضائعه معى و التى تلاشت بداخلى فى طى من الذكريات لاطلما عانيت منها كثيرا

اريدك=لارى فى عينيك فرحه اشعر انى صنعتهاو وهبتها اليكى لاشعر باننى حقا المسؤل عنها و المحافظ عليها

اريدك=لارى فيكى كلماتى الحائره فى كل الاغانى التى اكتبها و ابحث عن معنى الالهام بداخلى

اريدك= لتكونى انتى اوتارى التى تعزف كل لحن يدور فى سماء خاطرى و اسمع بها كل من حولى

اريدك=لتكونى انتى جنونى فى منتهى لحظات عقلى فتتعالى الضحكات فى كل نبره حزن اضطر اليها

اريدك=لاستعيد احساسى بانى طفل صغير عابث لا يسعه سوى الفرحه بكل ما ياتى اليه من جديد

اريدك=لاشعر برفحه هذا الطفل عندما تقبله امه بين وجنتيه حامله معها كل معانى الحنان و الخوف

اريدك =لامحو من داخلك كل معانى الخوف من الماضى و الحاضر و كل ما هو اتى

اريدك=لتكونى انتى الاميره التى تعلو عرش مملكتى لانك تستحقينها وحدك

اريدك = لاكون انا الملك المتوج فى عرش قلبك

اريدك= لتكونى احضانى التى ارتمى بها و تحمينى من غدر كل الظنون

اريدك لاكون كلماتك فى حديثك لاكون صورك فى كتاباتك لاكون نبره صوتك فى احزانك لاكون فارسك عندما تعلو ضحكاتك

اريدك بكل ما بداخلى من حاجه اليكى و حاجتك الى

اريدك حقا بكل رجفه اشعر بها بداخلى تعيد الى احساس اللهفه اليكى و الذى طالما بحثت عنه

اريدك و لكل معنى اريدك

اختيارى

2006-11-11T02:59:00.000-08:00

اخطأت بك يا عمرى و لم اكن اعلم ان تلك هى النهايه

نعم اعرف اننى اخطات .........والان

القى نظره الى حالى ......الى كل عزيز و غالى

ارانى تتساقط منى كل الاشياء

و لكن ترى هل هى حقا اشياء؟

و اذا كانت كذلك

فلماذا اشعر بها تتساقط منى كتساقط قطرات الدماء من الصريع على طريق السراب

و هل سأكون انا هذا الصريع؟

و الان بعد كل هذا

هل سأجد من يحملنى على كتفيه؟

هل سأجد من ينجدنى؟

هل سأجد من يجرنى حتى على الارض الصلبه حتى ينولد بداخلى الامل فى النجاه

و انا ملقى على هذه الصخور فى طريق السراب

و لا ادرى حقا ما هى نهايه الطريق

و ترى هل سياتى الطبيب

هل سيسعفنى ......ام انه سينطق كلمته المشهوره؟؟؟

اخطأت نعم اخطأت

اخطأت حيت رأيت و لم ابصر

اخطأت حين اقسمت و لم افهم

نعم كان معى الدليل و اكنى بيدى اخترت البديل

اخترتك انتى لتكونى الدليل و البديل

و لكنى اعلم انك ستكونى الاختيار الاخير

و ترى ماذا ستكون الاجابه؟

يوم جديد من الخبايا

2006-11-03T03:48:00.001-08:00

بدا هذا اليوم منذ الصباح الباكر حيث ذهبتالى اكثر الاماكن التى مللت منها

و هى بالطبع الكليه

حيث التقيت باحد صديقاتى و التى فاجأتنى بحديث غريب

و ذلك متعلق باخر بوست لى و هو عن المعشوقه التى احلم بها

و فوجئت انها متدايقه جدا ده طبعا كان باين فى صوتها

يمكن اكون فاهم غلط بس ده حسيته فى صوتها

هل يوجد بداخلها حقا شعور تجاهى و اذا كان ذلك حقيقيا

فلما الان؟

المشهد الثانى عندما التقيت بصديقى و كان اتيا معه احد صديقاته

يعنى كان بيظبط

و قال لى انه اتى ليعرفها على ما كانت تسمى حبيبتى فى يوم من الا يام

و انا كالعاده كبرت دماغى لان الموضوع ده اتقفل من زمان و لانى احترمت وجهه نظره فى انه مازال يتعامل معها

المهم انى عرضت عليه اننا يجب ان نجهز انفسنا لليوم السبت حيث من المفترض اننا سنسافر الى القاهره حتى استطيع مقابله حلمى هناك او حتى تكتمل الصوره بيننا كما هو المتفق عليه

و لكنى فوجئت به يقول اننا سنسافر و لكن معنا صديقه له على حد علمى سنوصلها معنا لانها مسافره الى القاهره ايضا

و لكنى فوجئت انه يقول لى و انا بقوله انها مش لازم يعنى تيجى معانا

قال لى

يا ابنى ديه مراتى

نعم بنفس اللفظ هكذا

قلت له يا ابنى كبر دماغك

قال لى يا ابنى انا بتكلم جد

ديه مراتى انت بس ما كنتش تعرف و انا ما كنتش عايز اقولك علشان ما تعملش فيها حكايا عليا

طبعا لا استطيع ان اصف الذهول الذى عشته للحظات عند سماعى هذا الحديث

فكيف انت صديقى و انت تخفى على خبر كهذا و الواضح انه من فتره

و كيف هيه زوجتك و انا كل اللى اعرفه عنها انها صاحبتك و انت بتعطف عليها لمجرد ان ظروفها صعبه

احسست حينها و كان حجر ثقيل قد ارتمى على راسى

يااااااااااااااااااااه هيه الناس بقت كده خلاص

و حينها تذكرتك انتى يا حبيبتى فكل يوم يمر على حقا اتيقن انك انتى وحدك التى تستحقين ان اكون معك فانتى الصدق الذى لايحتمل الاكاذيب فى هذه الحياه

كم تمنيت ان اكون معكى فى هذا اليوه لانى اعلم انك الوحيده التى تستطيعين ان تزيلى عنى كل هذه الاكاذيب

كم تمنيت ان احكى لكى كل ما دار لى

حبيبتى احتاج اليكى حقا

فانت الحقيقه فى حياتى الان

2006-10-28T04:13:00.000-07:00

و ها انا هنا انتظرك يا حبيبتى
لا ادرى ما الذى دفع قدماى لتحملنى الى هذا المكان

فقد وجدت نفسى هنا عند نفس المكان الذى طالما حلمنا به سويا
نعم عند تلك الصخره المطله على هذا الشاطىء الذى طالما حلمنا بان يكون يكون الشاهد على هذا الحب الابدى
وقفت هناك و اشعلت سيجارتى
احلم بلحظه لقاكى
عيناى تمتد عبر هذا الصفاء فى الافق البعيد
حيث يختلط كل هذا الدخان من سيجارتى بلهيب شوقى و لهفتى اليكى

و انا لا اريد ان انظر خلفى حيث لا استطيع ان اعطى الحق لعيناى ان تنظر لسواكى

و لكنى اعلم انك ستأتين

نعم اعلم ذلك

حينها ساشعر بيديك الحنونتين و هما يدقان على كتفى و عندها تضرب كل المشاعر بداخلى

ترقص على انغام تلك الامواج معلنه فرحتها بقدومك

و سالتف اليكى لانظر لعينيكى و ارى فيهما الصفاء و الخجل و الحنان الذى طالما انتظرت روؤيتهم

و عندها تضيع كل مفردات العالم

و تبقى لغه العيون وحدها هى القادره على ان توصف ما بداخلى

حينما تلتقى بعيناكى و يدور بينهم حوار لايحمل سوى معنى وحيد

فلتسقط كل تقاليد الدنيا

فلتتحطم كل معانى الحب لان الذى جمعنا احساس لايجد فى قاموسنا مرادف له

و تلتلف يداى بين اصابعك محتضنه كل هذا الفء بداخلى

و نطلق قدمينا لعنان السماء

وتتوالى الضحكات

و لا يسمع فى الصدى سوى صوت كلمه احبك يا معشوقتى

و تاخدنا قدمانا فوق تلك الرمال الصفراء

و احملك بين يداى و اظل ادور و انتى معلقه فى كتفى و كأنى اطوح بكل همومنا فى الفضاء السحيق

اها يا حبيبتى

لايبقى فى بالى سوى هذا السؤال الذى يراودنى

هل ستاتين لتكتمل كل هذه المعانى

ام اننى ساظل منتظرا حتى اشعل اخر سيجاره معى

2006-10-24T05:13:00.000-07:00

i tried to write a special song

this song was just for u

to explain the way u make me feel inside

but the meanings may not be simple

and the words may not be new

i need u

and i couldnt live a day without u

i need u

and i wanna build my world around u

couldnt live a day without u girl, i need u when i wanna build my world around u

baby............. i need u

all this my love cant say one word of what u makde in my life

all i want to say

u bring me back to life

to the one i like to be mine

ديكتاتور

2006-10-14T16:35:00.001-07:00

اموت

و انا ابقى مين علشان اموت

ده انا مافيش فى ايدى كرباج و لا نبوت

ده انا لسه ديكتاتور صغير

بيتعلم اول حروفه فى القهر و فى الاهانه

و من خوفى من خوف ابن الجبانه

و الكدب و الخيانه

قلت اعمل ديكتاتور

و الكل بيقول يا بختى

اما انا فبقول لوحدى

انا لسه ديكتاتور صغير بحبى

ايوه كان معايا الدليل

بس بايدى اخترت البديل

هس اخرسوا اللى هيتكلم ههرسوا

بايدى هشكل مصيرى

و هكون لعينى دليلى

لقد قررت ان احصل على الوسام

عارف ان ده فيه ليا ملام

كنتوا فين لما صرخت.......... حرام

و الان حصلت على الشهاده

شهاده الديكتاتوراه

ابن الجيهه اولى بيها

2006-10-10T06:57:00.000-07:00

لا ادرى ما الذى دفعنى الى كتابه هذا الموضوع

و لكنى اعتقد ان التوقيت هو الذى ادى الى ذلك

ففى هذه الايام تبدا الاستعدادات القصوى و رفع درجه الطوارىء فى اغلب الجامعات المصريه استعدادا

لقدوم انتخابات الاتحادات الطلابيه فى هذه الجامعات

و بما اننى كنت عضوا بارزا فى هذا المجال طوال فتره الدراسه فى الكليه حيث كنت من المنظمين الاساسين لهذه العمليه كل عام

فاردت ان اريكم كيف تسير هذه العمليه فى بلدنا

اولا المرحله الاولى

و هى مرحله التجهيز للانتخابات او ما نطلق عليع انتخابات لانه ببساطه هى صوره صوريه لهذه الكلمه و هذه المرحله عباره عن تجهيز الدعايا و تجميع قوايم الدفعات المختلفه

ثانيا المرحله الثانيه

و هذه المرحله هى مرحله الحرب النفسيه و كيف لا و نحن........اقصد اعضاء الاتحاد نعى تمام اليقين انها مجرد منظر انه فيه انتخابات و انننا نحن الفائزون بها رغم انف الجميع يعنى ببساطه اللعبه محسومه

لانه ببساطه الاعزاء فى امن الدوله لن يسمحوا ان يكون الفائز فى هذه اللعبه هو التيار الاسلامى و نحن نعرف جيدا كيف نستغل هذا لصالح العمليه الانتخابيه

المرحله الثالثه و هى يوم النتخابات نفسه

و فيها يتم احضار جميع الناس العتاوله فى اليوم ده لانهم عندهم الخبره الازمه لحل اى مشكله ممكن تواجه فى اليوم ده

و طبعا لا اريد ان اطيل فيما يحدث فى هذا اليوم من الشد و المشاجرات بين الطرفين..............التيار الاسلامى و طلبه الاتحاد و...............و لكل منهم وجهه نظره التى يدافع عنها و لكن فى النهايه طبعا النتيجه محسومه من غير حتى الليله ديه كلها

المرحله الرابعه و الاخيره

و هى عندما تعلن نتيجه الانتخابات بفوز ساحق للاتحاد و هنا يبدا الصراع الداخلى و لكنه صراع من نوع جديد و هو صراع من افراد الجبهه الواحده من اجل منصب كل فرد و ماذا سيحصد من الوعود التى منى بها قبل الانتخابات

و لا تعجب عندما ترى خناقه تصل الى حد التطاول باى حاجه بين اتنين من الطلاب كانوا من ساعه واحده ايد واحده ضد الجبهه التانيه

طبعا ما خفى كان اعظم

بس ده كل اللى انا اقدر اقوله لانى لو زودت عن كده الله اعلم بقى؟؟؟؟

و هيه ديه التربيه الديموقراطيه الطلابيه التى تتربى عليها الاجيال فى هذا البلد...........ايه الكلام الكبير اللى انا بقوله ده

سلاااااااااااااااااااااااااااااااااااام بقى

ليله سكت فيها العقل

2006-10-06T07:02:00.000-07:00

بدات هذه الليله و كالعاده بعد التاسعه مساءا حيث تم التجمع فى شقه احد الاصدقاء و يدعى خالد

و كالعاده ايضا التف ا لجميع حول المكتب و كانه المائده المستديره للفرسان الخمس

و اعتقد انه لا تعجب عندما يكون هذا التجمع الروتينى حول قطعه الشيكولاته اليوميه

و بدات المراسم بالنسبه للجميع حتى وصل الجميع الى ما يطلقون عليه مصطلح الهببه

و تعنى اعلى فوران للدماغ

و كالعاد انا راقب الموقف من بعيد

انتهت الليله لتبدا ليله و لكن من نوع جديد

حيث نزلنا جميعا باحثين عن تاكسى ليقلنا الى بيوتنا

و كانت الساعه الثالثه صباحا

و فجاه راينا فتاه تعبر طريق البحر و كانت بمفردها

و بدات عبارات الهمس و جذب الانتباه من جانبنا

و يا للعجب فقد كانت الاستجابه فوريه!!!!

و تم الحوار الاتى

ايمن...................يا ستى هنوصلك بس بدل ما تمشى لوحدك بالليل كده

الفتاه.............ابتسامه جمعت القبول و الرفض

علاء..............مش احسن ما حد يغلس عليكى

الفتاه.....طيب اوكى بس على شرط

الليله تكون تعارف بس

الجميع............فى صوت واحد طبعا انتى بتتكلمى فى ايه

و هنا بدا كل علامات توقف العقل تظهر علينا جميعا

تليفون.....................الو ايوه يا خالد فيه واحده اتعرفنا عليها

ايه رايك

خالد................ضحكه

هاتوها و تعالوا

المهم دخلت الفتاه الشقه و جلست و طبعا تبادل الجميع عبارات الحنان و تلبيه المطالب

المهم كان واضح جدا انها كان منهكه

و من ثم تركناها و قعدنا مع بعض بره لنرتب ماذا سنفعل و استقر الجميع على تاجير شقه لها فى اليوم التالى

ليقوم كل واحدباى حاجه هوه عايزها براحته

الجميع.....................ياللا يا خالد سلام و بكره بقى هنعدى عليك و نشوف

و روح كل واحد فينا و الكل يمنى نفسه باليوم التالى و كيف سيكون هو فارس الليله

و انا متاكد ان كل منهم لم ينم اصلا

و تم التجمع فى الساعه 11 فى اليوم التالى حسب الاتفاق

و قمنابالاتصال بخالد قبل الذهاب اليه

الو...................ايوه يا خالد ايه الكلام

خالد..........الله يلعنكم تعالوا

البت مشت يا حلو منك له

و هنا دارت كل علامات الشك

هل باعنا؟

هل ظبط الحوار لصالحه؟

المهم ذهبنا اليه و كل علامات الاستفهام تبحث عن اجابات

و دخلنا و جدنا خالد نايم جدا و كل اللى قاله انه صحا لقى البنت مش موجوده

طبعا احنا ما فيش اى حاجه ممكن تتعمل غير حاجه واحده

البنت جت البنت مشت

خلص الموضوع

و ظلت كل علامات الاستفهام

كيف انهارت كل القيم الزائفه هكذا؟

كيف اعتبر كل منا الاخر غريم له فى المعركه للفوز بلقب فارس الليله؟

و غيرها من الاسئله

و الاجابه الوحيده

برافووووووووووووووووو عليكى

انتى الوحيده اللى عندك الاجابه

و عاد العقل من جديدبعد ان توقف

لمده 24 ساعه

بعدك بغنى

2006-09-29T05:23:00.001-07:00

بعدك بغنى .............قبلك بغنى

و انا غصب عنى فى الشوق بدوب

بحلم الاقى....يوم التلاقى

حلمى اللى باقى

فاض على القلوب

لساك فاكرنا نسمه صافيه عالبيبان

والنسمه فاكره ضحكه كانت من زمان

و انا لما اشوف عيونك نايات تاخد العقول و نسرح ساعات

انسى كل شىء فى بعدك و ابات

ضمانى يالعيون

تبعد الجراح و يعود الزمان الايام

هنا فى نفس المكان اللى شاف غنانا و قال كمان

فاكرانى يالعيون

بعدك بغنى قبلك بغنى و انا غصب عنى فى الشوق بدوب

بحلم الاقى يوم التلاقى حبى اللى باقلى فاض عالقلوب

لساك فاكرنا مش ناسينا و حلمنا

كان شوق فى غنوه بلحن حب يضمنا

و انا لما اشوف عيونك نايات

تاخد العقول و نسرح ساعات

انسى كل شىء فى بعدك و ابات ضمانى يالعيون

بعدك بغنى..............قبلك بغنى

ارحمونا بقى

2006-09-26T10:44:00.000-07:00

حاجه غريبه

بالرغم من ان كلنا فرحانين بالشهر الكريم اللى احنا فيه الا انى لاحظت حاجه غريبه بتحصل

ناهينا عن ما يفعل بعد الفطار من ما يسمى بالخيم الرمضانيه و السهرات المبتكره حتى الساعات الاولى من الفجر

المشكله انى اول يوم النهارده انزل فى الصباح

و اللى شوفته من الجنس الناعم ما يتحككيش و كانه جريمه مرتبه

بجد مش عارف اودى عينى فين كل واحده مبتكره اساليب فى كيفيه افطار البشر من اللبس اللى انا حتى ما شوفتوش فى احر ايام الصيف

للهزار مع الشباب للاستفزاز البشرى الغير المطاق

حتى اصبحت كلمه اللهم انى صائم بدون اى فايده لانها بتتقال 60 مره فى كل دقيقه و انا مش عارف الغرض من كل ده ايه

لدرجه ان اول كلمه عندما قابلت الزميلات العزيزات فى الحرم الجامعى...........هههههههههههههه..............

عجبا لهذه الكلمه

ايه مش هنعمل طلعه حلوه بقى فى رمضان

يا اخوانا انا بس عايز اقضى يوم رمضانى واحد بس و مش عارف من اللى انتوا بتعملوه

ارحمونا بقى

سؤال و جواب

2006-09-20T09:50:00.000-07:00

....................السؤال

يا ترى ايه اغرب علامه استفهام ممكن تقابلك فى حياتك

........................الجواب

هى علامه الاستفهام التى يجرى وراها علامه التعجب

نور

2006-09-17T08:31:00.000-07:00

ليه قفلت على نفسك بابك

و رسمت على قلبك سور

نسيت خلاص طعم الفرحه

و الحزن حواليك فى فلك بيدور

راجع تانى يا صوت الضحكه

و امر لكل الاحزان تغور

معقوله فى يوم و ليله

تبنى جواك من الحب قصور

دق الحب على بابى

و بنيت لحلمى عش عصفور

ايوه انتى السبب

فى عشقك عايش فارس جسور

دخلتى فى حياتى اميره

و تاجك فى الهوى بنور

غريب و كنت تايه

فى شطك حلمى غيور

بقيتى شمعه فى طريقى

و السر حتى فى اسمك........نور

نور جوه منى

و صوت الفرحه لاجمنى

كلمه يمكن بس كلمه

بس حاسس قلبى قايلها

بحبك يا نور

طظ فيكم

2006-09-08T22:22:00.000-07:00

الشخصيات

اولا. الحبيبه الخائنه

ثانيا. العشيق الجديد

ثالثا. الصديق الزائف

رابعا. الصديقه الزائفه

خامسا. مجموعه الاصدقاء

و الان فلتطفىء الانوار وليرفع الستار

المشهد الاول....هو عباره عن مشهد طويا مدته ثلاث سنوات اجتمعت فيه مع الحبيبه و كالعاده تبادلنا فيه كل معانى الحب الخيالى و الاحلام الورديه المتناثره علينا

المشهد الثانى...........مشهد نهايه لهذه الاحلام و لحظه الفراق التى كسيت بكل معانى الجحود و الدموع و القسوه لنهايه هذه العلاقه بدون ترك اى ذكرى يمكن ان تذكر سوى الجرح الغائر

المشهد الثالث.......محادثه مطوله وصلت الى المشاده بينى وبين المدعو صديقى حول ما أل اليه الحال و موقف غريب منه من اللامبالاه تجاه هذا الموقف و اختياره ان يكون فى صف الحبيبه البائعه لمجرد ان تكون الصوره جميله خاليه منه من اى شوائب يمكن ان تعكر علاقته معها

المشهد الرابع............جرح لكل معانى القدسيه لهذا الحب القديم عند مشاهده الحبيبه مع العشيق الجديد فى نفس مكان الحب القديم

نهايه الفصل الاول بقطيعه لكل من سبب لى هذا الام

الفصل الثانى

المشهد الاول ......محادثات بينى و بين مجموعه الاصدقاء حول كل ما حدث على امل المناصره التى لا انكرها من جانبهم طوال هذه الفتره

المشهد الثانى........عده جلسات مع الصديقه التى كانت تدعى انها صديقه العمر لى حول ما حدث و محاولتهاالمستمره لاصطناع الوقوف بجانبى فى هذه الازمه

حتى انها كانت تقول لى دائما عن خطيئتى فى ادخال شخص حقير (تقصد الصديق فى هذه العلاقه)1

المشهد الثالث............عوده العلاقات بينى و بين هذا الصديق بعد فتره سته اشهر كان بالنسبه لى يحمل كل معانى الكره بداخلى و ذلك لمجرد الا اكون الشخص الذى يحرم باقى الاصدقاء من الممول الدائم للسهرات التى تتبادل فيها عبارات الصداقه المزيفه حول جلسات الكيف التى لا اعترف بها و لكن هذه رغبه الباقين من الاصدقاء المقربين الذين لارغب فى خسارتهم لانهم ببساطه عشره العمر

الفصل الثالث و الاخير

المشهد الاول.........عوده التعاملات و عبارات الصداقه المصطنعه بين كافه اطراف الاصدقاء

و توالى الخروجات

المشهد الثانى.....انقطاع دائم لاخبار الصديقه بدعوى انشغالها الدائم فى العمل

المشهد الثالث و الاخير...........محادثه بينى و بين الصديق الزائف حول احوال الدنيا انتهت بخبر كان لى وكأنه الصفعه التى فتحت كل الجراح من جديد وهو انه قد ارتبط فعلا بالصديقه الزائفه بعد ان كنت لا اتخيل ان يكون هو لها بعد ان كانت ترسم له كل معانى البغض و الكراهيه و خصوصا اننى عرفت ان ذلك كان قد تم فى نفس الفتره التى انفصلت فيها عن حبيبتى انها كانت ترتدى قناعها الزائف تجاه هذا الشخص لتصبح الصوره لها ايضا جميله

مونولوج النهايه..........خلصت خلاص المسرحيه .وانا مش عارف مين الجانى و مين الضحيه

بس فى يوم كنت قاعد لوحدى وحاسس انى فاضى

شفت نفسى فى محكمه فيها كنت جانى و قاضى

ذنبى لزمانى غربته و دفاعى كان غلطه ماضى

و الحكم صادر منى ليا ازمانى اطاطى راضى

مش مهم ايه البدايه و لا حتى كانت ايه النهايه بس المهم ان الدرس انتهى و الاجابه

ليها حل واحد

طظ فيكم

صديقى و الحس الامنى

2006-09-04T23:13:00.000-07:00

لقد تعودنا منذ ان كنا صغار ان هناك هيبه و احترام لرجل الشرطه

و لكن عندما يتحول هذا الى خوف ملازم او ما يسمى بالفوبيا

هنا تكون المشكله

و الموضوع ببساطه ان لى صديق منذ ان كنا اطفال و هو لديه رهبه من مجرد رؤيه رجل الشرطه فى الشارع

و كنا دايما بنقول ان ده لعب عيال و انه سوف ينتهى عندما يتقدم بنا العمر و لكن الموضوع بدا يتزايد جدا فى الاونه الاخيره

حتى كانت هناك بعض المواقف التى اثارت دهشتنا جميعا

منها

ذات يوم عندما نكون جالسين كمجموعه من الاصدقاء فى شقه واحد مننا ما الداعى الى كل هذا الرعب من مجرد اصدار اى صوت يمكن ان يدل على وجودنا

فهل هذا جرم يمكن ان نحاسب عليه حتى و ان كان صاحب المنزل هو الداعى الى الزياره

فما الداعى الى خوفك انت؟

فلقد اصبح الصديق يخشى من مجرد شبح اسمه رجل الشرطه

لدرجه اننا اصبحنا نعانى من هذا الموقف فى اى مكان نخرج فيه هتا عندما نكون فى سياره احدنا

فما الداعى الى كل هذا الرعب من مجرد سياره ماره بها احد افراد السلطه كما يطلق عليهم

حتى و ان كان رجل مرور

لقد اصبح هذا الوقف يتكرر يقريبا كل يوم

الرعب من مجرد رؤيه البدله العسكريه

حتى اصبحت كلمه ..........خلى بالكوا

هى الخناق الذى يطاردنا و هو معنا

فهل اصبح الخوف من رجل الشرطه فى هذه البلد الى هذا الحد

و هل اصبح سوء استخدام السلطه هو المحرك الاساسى داخلنا

لا ادرى

و لا اعلم ما هو الحل تجاه صديقى ليدرك ان هذه البدله ما هى الل رداء لرجل عادى لا يهمه ما نفعله طالما اننا لا نخطىء

و هذه هى حيرتى

ويقولوا تطبيع

2006-08-28T10:07:00.000-07:00

مد يا اخطبوط الغرب الف ايد و ايد
و جوعنا و لوعنا
وخلينا قشور بتدور فى فلكك
و طبعا ما هو من حقك
مادام الايدين لسه ليك ممدوده
و الافواه ليك مفتوحه
و الكل سايب المشكله
بس ايه هيه المشكله
المشكله فيه و فيك

الظلام اللى عليا هو نفسه اللى بيزرع يأسه فيك

فين زمن كانت سيوفنا اقوى من كل السيوف

ايوة كنا قله

كنا بدو صحراء ليس اللا

بس كنا لانبيع........لا نخون........لا نخاف مثل الفيران جوا الكهوف

كنا فى زمن كل القوم بيبوصولنا بصه الارض للنجوم

و لو كان الكفاح هوه سلاحنا الوحيد

يبقى بأذن الله النصر اكيد.......النصر اكيد

وحده

2006-08-19T02:01:00.000-07:00

وحدى

انا و العالم كله ضدى

اضعف من اضعف حشره

صرصار مقلوب على ظهره...............تافه,نكره,و صغير

اضعف من انى اواجه حد .........او ارفع يد

اضعف من قوله لا............... انما لا ........انما لا

فليسقط الكبار و عالمهم

و ليسقط جيلهم....و لتسقط افكارهم

فليسقط هذا العالم كله

فليسقط.....................او اسقط

فالحريه الوحيده التى تبقت لى

هى ان اتركهم.........ان ارحل

و سأرحل فورا

هذا الحوار للكاتب المسرحى لينين الرملى فى مسرحيه انت حر

كم استفزنى ان يصل انسان مهما كانت الضغوط المحيطه ان يختار هذا الطريق

الانتحار لمجرد انه يريد ان يحقق حلمه فى اختيار واحد بارادته فى هذا العالم و لكنه بعد هذا ايضا اكتشف انه ان فعل ذلك سيكون اسير الظروف التى دفعته لهذا و بالتالىفهو ايضا ليس بحر

كل ظالم له نهايه

2006-08-09T10:11:00.001-07:00

كل ظالم له نهايه

نبتدى منين الحكايه

مش مهم ايه البدايه

المهم نقوله لا

لا.........لا

قالوا ما دمت كنت مش مولود هناك

قالوا ما دمت خدت ارضك او سماك

و لا هيه ارضك و لا هو وطنك

و لا دول صغارك اللى بتندبح

تبكى و تندم ليه و تعيش و تحلم ليه

بعيون صغار نهارها بس فى يوم صبح

و ادى اليهود خانوا العهود سرقوا الحدود

سرقوا الميه و الهوا و تاريخ الجدود

شقوا البلاد خطفوا الولاد قالوا بنوا امجاد

فوق قلب طفل رضيع قبل حياته موت

و لا هيه ارضك و لا هوه و طنك و لا دول صغارك اللى بتندبح

فات اللى فات مات اللى مات شق السكات

صرخه الم تضوى فى جبين الذكريات

ايدى فى ايديك عينى و عنيك نحلم بيوم

يمسح بنوره الظلمه و يعود اللى فات

اه... مين اللى قال القدس مش وطنى

مين اللى قال الاقصى مش وطنى

حالف يا دنيا فى يوم ميلادى لهموت فدا وطنى

لا للحريه

2006-08-01T12:14:00.000-07:00

حاجه غريبه حصلتلىالنهارده

زى كل يوم كنت راكب الماصله الخنيقه اللى بركبها كل يوم للذهاب الى مشوار غير مهم

فجأه واحد قال للسواق سرع يااسطى شويه

رد السواق انا حر يا عم

قال الراجل لا يا سيدى انت مش حر هوه مين فيناعايش حر\

وكأن الكلمه زى الطلقة نتطت فى دماغى..............و كأنه قاللى اللى على راسه بطحة

دورت الكلمه فى دماغى و لقيت ان الراجل فعلا عنده حق

هوه مين فينا عايش حر

وبدأت بعند و كبرياء اسال نفسى و ارد عليها

هوانا كنت حر لما جيت الدنيا ديه؟

لا طبعا يا متخلفانت جيت زى كل الناس ما بتيجى

هو انت كنت حر لما اخترت دراسه الطب؟

لو كنت حر ما كنتش دفنت نفسى بالحياه طوال 7 سنين

هوه انت كنت حر لما حتى اخترت حبيبتك؟

لا برده ديه كانت صدفه جمعتنا و الحاجات المتشابهه بنا هيا اللى جمعتنا وبعد كده انفض المولد وكل واحد راح لحاله

وغيرها وغيرها من الاسئله التى كانت لها نفس الاجابه .........انت مش حر انت اسيرالصدف

ولانى عنيد و احمق ومحبش حاجه مالهاش اجابه

فكرت انى ممكن اكون حر لو اخترت امى انتحر و انهى حياتى بايدى

ولقيت انى برده لو عملت كده هبقى مش حر لان الظروف هيه اللى هتخلينى اعمل كده

و هنا تأكدت ان حتى الحقيقه الوحيدة فى الدنيا انا مش حر فى اختيارهاوانى حتى لو مشيت بدماغى و عملت اللى انا عايزه انا اللى هنضر فى الاخر يعنى انا مش حرفقررت ان ارفع شعار لا للحريه و اقضيها و خلاص

النهاردة

2006-07-23T12:04:00.000-07:00

النهاردة بس حسيتك غريبة عنى
حسيت بروحى ردت لدمى
احساس هزنى قربنى منى
انتهى فيةانك ممكن تعودى لية
ايوة كانت صدمة لية
بس كانت نهاية لجرح دبل الفرحة في عينية
صادفتك ما بين ايدية
حسيت الفرحة فى عينية
للحظة واحدة حسيتنى فية
هو كمان شافنى لكن
دارى ظن فى قلبة ساكن
كنت عايز اقوله انها
مهما عاشت معاك عمرها
مستحيل تنسى حبها
قبلك ياما سمعت منها
قبلك ياما عشت انينها
كنت بنسى احزانى غى فرحة عينيها
كنت بدوب من لمسة ايديها
ومهما قلت مش هتصدق
علشان كلامها عندك اصدق
بس هيجى اليوم و تقولها
نفس الكلمة اللى عشتها
واليوم دة مش بعيد
هتقولها الحب اللى كان انتهى
وساعتها مش هفرح اكيد
بقيت معاها تلميذ بليد
بس قلبى اصبح عنيد
واليوم دة هيكون شريد
زى النهاردة

صدفة

2006-06-26T11:52:00.000-07:00

فى هدا اليوم كانت قد مرت على لحظة الفراق حوالى 6 اشهر...ولا داعى للحديث عن مدى المرارة و الاسى التى عانيتها خلال تلك الفترة
حيث بدا اليوم بالنزول مع صديقى متجهين الى الكلية. و لا ادرى ما جعلنى اقترح ان نسير قبل الكلية بمسافة ليست قليلة
هل لاصادف القدر.ام لاستعيد الماضى
و قبل ان اكمل كلمتى الى صديقى. ... بص يا مخمد هو دة المكان اللى كان دايما بيجمعناااا........
و يا للعجب فهى بنفسها جالسة و لكن تلك المرة معها شخص اخر يقاسمها المكان
وهنا انهارت مع تلك الصدفة القاتمة كل القيم فبعد كل الامال التى شهدها شهدها هدا المكان...كل الاحلام التى جمعتنا .....كل الدفء
رأيت فية كل القسوة
بعد ان كانت تلك المواج هى التى تغسل همومنا اصبحت اشعر بها تضرب فى نفسى و كأنى الصخور على الشاطىء اضرب الى ان اتحول الى رمال
وكانت النظرة منها اصعب بكثير حتى اصعب من يوم الفراق نفسة و خصوصا انها لم تكن تتوقع رؤيتى فى تلك اللحظة
بعدها ضاعت قدسية المكان....وظهر اثر الزمان....... والغيت حتى فكرة النسيان
و لم اشعر بنفسى سوى اننى اكتب و كانت الكلمات هى المجأ الوحيد لتطفىء النار التى الهبتها ماء الشاطىء

شفتها فى نفس المكان اللى ضم فى يوم احلامى
بس لاول مرة كان جنبها واحد تانى مكانى
طب لية اخترت نفس المكان بتصحى احزانى؟
و سوءال .......جبتية تعيشينى فية والا بتعيشى احساس نسيانى

بدور

2006-06-18T09:55:00.000-07:00

عاشق........ ارمى بدور حبك جوايا

وامشى طريق الجاى معايا

مش هنحس فى يوم بالحيرة

حبنا جوا قلوبنا كفاية

قيدى شموع الحب بايديك

قلبى شموع بتقيد يوم عيدك

مهما تطول سكتنا هنمشى

خطوة بخطوة ايدى فى ايديك

عاشقة....... كفك لما بيلمس كفى

لمسة فى برد الليل بتدفى

مهما تديق الدنيا فى عينى

نظرة لعينك بس تكفى

عاشق........ عاشق فيكى الحب الصافى

عاشق فيكى الحضن الدافى

مهما الدنيا فى يوم اديتنى

راضى بان غرامك كافى

عاشق......خايف فى عنيكى خدينى

عاشقة......... بحلم اوعى تصحينى

عاشق.......... سبينى ارتاح فى عيونك

عاشق وعاشقة........ واعيش عمرى و سنينى

رحلة أنسان

2006-06-13T04:26:00.000-07:00

واحد خلاص أندفن خلصت خلاص الرحلة

ومولود جاي زاير الكل بيه في لخمة

طب ايه مصيرك يا ابن آدم هي ناقصة زاحمة

رد بصرخة من جوفه .......أنا لسه حته لحمة

**********

كل يوم يعدي حاول تفكر كتير

يا تري اللي كان ده كان ولاكان لازم تغيير

ولو هتكون الخطوة معاك-يا تري هتخطي بضمير

لو كنت أنت صاحب القصر ......أحسبها لو كنت أنت الغفير

*********

طول عمري بحلم أعيش طير

أرفرف بشوقه عالاغصان

كان كل حلمي أكون رحالة

يطوف بشوقه عالبلدان

وفي رحلة العمر حكمة

يا ريتك تموت أنسانِ

صدقني - صعب قوي تعيش الغربة

............حالة في كل مكان

*************

الغروب

2006-06-08T04:45:00.000-07:00

الغروب بيحكي عنك وعني

.....والقمر دايما عليكي بيسألني

والنجوم دايما في عينيكي بتغني

......في عينيكي بتغني آه يا عيني....في عينيكي بتغني

أسمك عنواني ....... حبك ده كياني

حلمي أدور علي الحياة في عينيكي من تاني

والله يكون في عون اللي في بالي

....بنده علي عمري

آه يا عمري

................وأعزف الموال

غنيوة حزن .....غنيوة الحيران

في عيونك حبيبي.........أنا بغزل الألحان

والغروب بيحكي عنك وعني

!!.......يا بحر

2006-06-01T16:36:00.000-07:00

جتلك يا بحر وشكيت لك

............وفي قلبي ميت وسواس

......لا قلت بحلم اكون فرعون

ولا قصري فضة وماس

..........قلت بحلم أعيش في زمن

الغلطة فيه أنسان حساس

..........رديت بقسوة يا بحر عليا

زيك زي باقي الناس

وردة

2006-05-30T04:30:00.001-07:00

اية يعنى جيتى فى ايديك وردة من شجر0000000
ما دبلت الوردة و دابت و حتى الندى فتر0000000
ملعون رمز الحب من قلب كان نبضة حجر000000
يا ريتك حتى سيبتى فكرة فراقنا قدر000000

2006-05-26T13:33:00.002-07:00

عجوز.......وصرخة ألمه شابكه ببسمة مولود مندية

والغريب ..........أن اللي جامع بينهم نظرة علي الارض محنية

طب ليه بنحسب رزق في السما؟؟

........مش لقمه على الارض مرمية

صدقني............الدنيا طاحونة في الهوا

!!............بس التروس مصدية